Ojee 2:8 - Maktub gə́ To gə Kəmee

⁸ Gelee gə́ nee ɓa aa oo, Neḛ Njesigənea̰ lé N’a kudu rəw-kabee gə kunje ləm, N’a kunda ndògo-bɔrɔ gaŋgee ne ləm tɔ Gə mba karee iŋga kila-rəwje ləa el ŋga.

Ojee 2:8 ပူးပေါင်းရင်းမြစ်များ

1 Sôrta Gḭka-Israɛlje 29:16

Njesigənea̰, Ala lə sí, jii-i nja ɓa nékiŋgaje lai gə́ jeḛ n’gɔl dəa gə mba ra ne kəi kari ləm, gə mba kunda ne no̰ rii gə́ to gə kəmee ləm tɔ lé d’ḭ keneŋ ləm, i nja ɓa néje lai to kaḭ ləm tɔ.

Maktub gə́ wɔji dɔ Jɔb 19:8

Yeḛ udu rəwje jigi-jigi dɔm’g, m’askəm dəs el, Yeḛ ar loo ndul njudu-njudu kila rəw-kabmje’g.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 46:6

Deḛ tɔr larlɔr gə́ mee ɓɔlje’g lə dee, Deḛ d’wɔji larnda gə nékwɔjee tɔ. Deḛ d’uga ne dɔ ji njelḛ̀ né Gə mba karee rəa gə́ magə. Deḛ d’unda barmba nea̰’g d’wa meḛ dee’g.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Ejekel 23:41

I si dɔ tira gə́ maji péd-péd’g no̰ loo gə́ tabul to keneŋ ndá dɔ tabul’g neelé i unda né lə neḛ gə́ ə̰də sululu gə ubu lə neḛ keneŋ.

Loo gə́ killa rea kəm Daniel’g 3:1

Mbai Nebukadnesar lé ar dee léḛ larlɔr gə́ néndaji ar ŋgalee as kəmkil dəw rɔ-misa̰ ləm, tadee kara as kəmkil dəw misa̰ ləm tɔ. Yeḛ uree tar wəl-loo gə́ ria lə Dura, dəb ɓeeko̰ gə́ Babilɔn.

Loo gə́ killa rea kəm Daniel’g 5:23

I ḭ gə mbai dɔ dara ɔsee rəw. Baije gə́ to mee kəi’g ləa lé deḛ d’odo ree ne nɔḭ’g ndá seḭ aije ne mán-nduú gə́ mḭ, i seḭ gə dəwje ləi gə́ boo-boo gə denéje ləi gə gamla-denéje ləi tɔ. I pidi ne magəje gə́ ra dee gə larnda gə larlɔr gə larkas gə larndul gə kag gə mbal tɔ. Magəje neelé d’oo né gə kəm dee el ləm, d’oo ta gə mbi dee el ləma, deḛ gər né kára kara el ləm tɔ ndá Ala gə́ kəmə ləi gə rəw-kabije lai to jia’g lé i ula rɔnduba dəa’g el.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.

Ojee 13:1

Loo gə́ Eprayimje d’isi pata ndá To né gə́ to ɓəl kədm-kədm: Deḛ d’ar ri dee oso gə loo mbidi-mbidi mee ɓee gə́ Israɛl. Nɛ d’ar ta wa dɔ dee mbata lə magə-Baal ndá d’wəi ne.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 4:11

Mɔdkaiya, gə mán-nduú gə́ mḭ gə mán-nduú gə́ sigi lé Ar dɔ dəw tel wagəsa.

Ojee 8:4

Deḛ d’unda mbaije lə dee Gə goo ndukun ləm el ləm, Deḛ d’unda ŋgan-mbaije lə dee Lal karm m’oo sə dee ləm tɔ. Larnda gə larlɔr lə dee lé Deḛ léḛ dee gə́ magəje, Gelee gə́ nee ɓa d’a tuji ne pugudu ya.

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.

Lugu 15:13

Ndɔje aḭ bula bəl ndá ŋgon gə́ ndɔḭ lé ḭ kiri néje ləa rigim sa ne rəa aw ne ɓee gə́ əw, aw sané néje ləa kɔ loo-kaiya’g.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Njéga̰g-Rəwtaje 9:27

Deḛ teḛ d’aw ndá tḭja kandə nduúje lə dee ləm, mbula manee ləma, deḛ d’al ne rɔ dee ləm tɔ, ndá deḛ d’andə d’aw mee kəi-magə’d lə dee ləm, d’usɔ gə d’ai ləma, d’ila ne ndɔl dɔ Abimelek’g ləm tɔ.