Ojee 2:23 - Maktub gə́ To gə Kəmee

²³ Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Ojee 2:23 ပူးပေါင်းရင်းမြစ်များ

Pakɔsje 118:28

I lé to Ala ləm, bèe ndá m’a kɔs gajii ya. Ala ləm, ma lé m’a kula rɔnduba dɔi’g tɔ.

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 68:31

Da gə́ loo-siée to mee mu-kwaa’g ləm, Gə koso-bɔ maŋgje gə ŋgan maŋgje lə koso-dəwje neelé Gə́ d’unda barmba nɔḭ’g gə larndaje lə dee ləm tɔ lé Maji kari ḭ sə dee ar dee ndəb pəd-pəd, Koso-dəwje gə́ mal rɔ ra dee kara Maji kari sané dee kad-kad ləm tɔ.

Pakɔsje 72:16

Ko a to gə́ naŋg rib-rib mee ɓee’g ləm, Gə dɔ sém mbalje’g ləm tɔ: Dɔ kó a kula tar yəgə-yəgə to gə́ dɔ kagje gə́ Liba̰ bèe ləm, Dəwje kara d’a kidi pug-pug mee ɓee-booje’g asəna gə muje gə́ to dɔ naŋg’d bèe ləm tɔ.

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 30:22

Seḭ a toje koso-dəwje ləm ləm, Ma m’a to Ala lə sí ləm tɔ.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Jeremi 32:38

D’a to koso-dəwje ləm ndá m’a to Ala lə dee tɔ.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Ejekel 36:29

N’a kɔr sí dan néje’g lə sí lai gə́ mina̰ lé. N’a ɓar kó karee taa loo pəl-pəl, n’a kula gə ɓoo-boo dɔ sí’g el ŋga.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Ojee 8:2

Deḛ ra né wəl gə́ rɔm’g pana: Jeḛ Israɛlje lé I to Ala lə sí gə́ jeḛ n’gərije ya!

Jakari 10:9

N’a sané dee mbuna koso-dəwje’g Ndá loo gə́ d’isi əw lé meḛ dee a kolé dɔ neḛ’g, D’a si kəmba gə ŋgan deeje na̰’d ndá d’a tel ree.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Jakari 14:16

Deḛ lai gə́ nai mbuna ginkoji dəwje gə raŋg’d Gə́ ree rɔ gə Jerusalem lé D’a ree gə ləb dee ləb dee Gə mba kunda barmba dəb kəm dee naŋg No̰ Mbai gə́ to Njesigənea̰ gə́ njeboo-néje’g ləm, Gə mba ra naḭ gə́ wɔji dɔ kəi-surumje ləm tɔ.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Njé gə́ Rɔmə 3:29

Esé Ala lé see yeḛ to Ala lə Jibje nja gə kar dee ba wa. See yeḛ to ka̰ njétareeje to el wa. Bèe ya, yeḛ to ka̰ njétareeje ya tɔ.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!