Ojee 2:19 - Maktub gə́ To gə Kəmee

¹⁹ M’a kɔr ri magə-Baalje təa’g Mba kar ri dee ɓar təa’g gogo el ŋga.

Ojee 2:19 ပူးပေါင်းရင်းမြစ်များ

Pakɔsje 85:10

Oiyo, deḛ gə́ ɓəlee lé ndá Kaji ləa to mbɔr dee’g dəb ya Gə mba kar rɔnduba ləa to ne mee ɓee’g lə sí lé.

Esai 1:27

Njé gə́ Sio̰ d’a kaji Gə goo néra dee gə́ danasur ləm, Deḛ gə́ d’a kun meḛ dee keneŋ D’a kaji gə goo néra gə́ gə dɔ najee ləm tɔ.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 54:6

Mbata Njesigənea̰ tel ɓari To gə́ dené gə́ d’ubá d’yá̰ Ar kəmee to ndòo bèe ləm, Asəna gə dené gə́ təa gə ma̰dee ba Ndá tel tubá bèe ləm tɔ.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.