Ojee 2:15 - Maktub gə́ To gə Kəmee

¹⁵ N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

Ojee 2:15 ပူးပေါင်းရင်းမြစ်များ

1 Mbaije 16:31

Kula gə́ yeḛ ula rəa mbiriri dan kaiyaje’g lə Jeroboam, ŋgolə Nebat lé yeḛ oo gə́ né gə́ lam ba bèe ndá yeḛ aw taa Jejabel, ŋgolə Etbaal, mbai gə́ Sido̰ gə́ dené ləa, tɔɓəi yeḛ pole magə-Baal ləm, yeḛ unda barmba dəb kəmee naŋg nea̰’g ləm tɔ.

Pakɔsje 106:12

Deḛ d’unda meḛ dee dɔ taje’g ləa, D’ɔs ne pa pidee ne tɔ.

Pakɔsje 129:1

Pakɔs kḭ kaw tuga ne loo ɗao-ɗao gə́ tar. Un kudee loo gə́ m’nai basa ya ɓəi lé D’ulam ndubu lé d’aree asm ya, Maji kar Israɛlje lé pa bèe pana:

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Esai 65:21

D’a ra kəije ndá D’a si keneŋ ləm, D’a ma̰a nduúje ndá D’a sɔ ka̰dee ləm tɔ.

Jeremi 2:1

Njesigənea̰ ulam ta gə rɔtaje nee pana:

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 3:4

Un kudee ɓasinè lé See seḭ ɓarmje pajena: Bɔ síje, i gə́ to kuramar sí Gə kas sí ba lé el wa.

Jeremi 32:15

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: D’a gə ndogo kəije gə loo-ndɔje gə ndɔ-nduúje ya ɓəi mee ɓee’g neelé.

Nɔ̰-ndôo gə́ wɔji dɔ Jerusalem 3:21

Aa oo, ta gə́ m’ə̰ji məəm’g Mba kiŋga ne né gə́ m’aw ŋgina lé ɓa nee:

Ejekel 16:22

Dan néraije gə́ to kḛji lai lé ləm, gə kaiya raije ləm tɔ lé i ar məəi olé dɔ ndəaje gə́ i nai ne ŋgon loo gə́ i to ne gə kudi dum ar rɔi to ne kari péd-péd ləm, loo gə́ i aw rogo dan məsi’g ləm tɔ lé el.

Ejekel 16:60

Nɛ n’a kar mee neḛ olé dɔ manrɔ’g lə neḛ gə́ neḛ man n’ari loo gə́ i nai ne gə ma̰di ɓəi ndá n’a manrɔ neḛ kari gə manrɔ gə́ a to gə no̰.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Ejekel 28:25

Mbaidɔmbaije gə́ Njesigənea̰ pa togə́bè pana: Loo gə́ n’a kḭ gə gel-bɔje lə Israɛl mbuna koso-dəwje gə́ neḛ n’sané dee keneŋ lé mbo̰ dee dɔ na̰’d ndá n’a riba dɔ meenda lə neḛ kar ginkoji dəwje gə raŋg d’oo, tɔɓəi d’a si mee ɓee’g lə dee gə́ neḛ n’ar kura lə neḛ Jakob lé.

Ejekel 28:26

D’a si keneŋ gə meekulɔm ləm, d’a ra kəije ləma, d’a ndɔ nduúje ləm tɔ, d’a si keneŋ gə meelɔm loo gə́ n’a gaŋg rəw-taje lə neḛ dɔ dəwje lai gə́ gugu dɔ deḛ gə́ d’ə̰ji dee bəḭ-bəḭ lé. Ndá d’a gər to gə́ neḛ n’to Njesigənea̰, Ala lə dee ya.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ojee 12:13

Jakob aḭ aw ɓee gə́ Aram ləm, Israɛl ra kula mba taa ne dené Gə mba taa ne dené lé ɓa Yeḛ ul ne koso-nékulje.

Ojee 12:9

Eprayimje d’ɔs gaji rɔ dee pana: Tɔgərɔ neḛ n’iŋgaje ne nébaoje N’areeje taa rɔ neḛje pəl-pəl ləm, Neḛ n’iŋgaje némajije gə́ al dɔ loo sula ləm tɔ, Nɛ néje lai lé to kula gə́ neḛ n’raje gə ji neḛje ya, Dəw a kiŋga néra gə́ kori-kori Esé nékaiya kára kara mee kəije’g lə neḛje el.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Ojee 2:12

Bèe ɓa ɓasinè n’a kɔr kubu kudee’g kəm njéto səaje’g Ndá dəw kára kara a kɔree ji neḛ’g el.

Amɔs 9:14

N’a tel gə koso-dəwje lə neḛ gə́ Israɛl Gə́ d’wa dee gə́ ɓərje lé ree sə dee ɓée ləm, Ɓeeje lə dee gə́ tuji ləw lé D’a tel ra gogo mba kisi keneŋ ləm, D’a ma̰a nduúje ndá d’a kai mán dee ləma, D’a ra loo-kamnaḭje ndá d’a sɔ kandə dee ləm tɔ.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Bula lə Israɛlje 21:17

Yen ŋga Israɛlje d’ɔs pa nee pana: Bwa-mán, gə́ teḛ gə mán! Ɔsje pa ulaje ne rɔnduba dəa’g!

Tagə́maji gə́ Ja̰ ndang 10:9

Ma lé m’to gə́ tarəwkəi, ɓó lé nana ɓa gə́ taa rəw gə́ par gə́ rɔm’g ndá a kaji ya, yeḛ a kandə kaw mee kəi’g ləm, a teḛ raga ləm tɔ ndá yeḛ a kiŋga nékulrea keneŋ.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Jujé 7:26

Tɔɓəi deḛ daa kɔri-ərje dɔ na̰’d sururu dɔ Aka̰’g d’aree to un kudee mee ndəa gən saar teḛ ɓogənè tɔ. Bèe ɓa Njesigənea̰ ar goo oŋg ləa gə́ nuŋga kəd-kəd lé yɔr ne. Gelee gə́ nee ɓa deḛ d’unda ne ri loo neelé lə wəl-loo lə Akɔr saar teḛ ne mee ndəa gən tɔ.

Njéga̰g-Rəwtaje 8:34

Israɛlje d’ar meḛ dee olé dɔ Njesigənea̰, Ala’g lə dee gə́ ɔr dee ji njéba̰je’g lə deḛ lai gə́ gugu dɔ dee lé el.