Ojee 2:13 - Maktub gə́ To gə Kəmee

¹³ Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 2:13 ပူးပေါင်းရင်းမြစ်များ

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

2 Mbaije 10:28

Jehu tuji magə-Baal mbuna Israɛlje’g aree godo.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

Maktub gə́ wɔji dɔ Jɔb 8:13

To togə́bè gə deḛ lai gə́ meḛ dee wəi dɔ Ala’g lé, Meekundayel lə dee a tuji pugudu bèe tɔ.

Pakɔsje 106:13

Nɛ waga ndá d’ar meḛ dee unda pudum dɔ néraje’g lé ləm, Deḛ ŋgina néje gə́ yeḛ wɔji gə mba ra lé el ləm tɔ.

Pakɔsje 106:21

D’ar meḛ dee unda pudum dɔ Ala gə́ njekaji dee’g Yeḛ gə́ ra néje gə́ dumkoo mee ɓee gə́ Ejiptə’g ləm,

Pakɔsje 78:11

D’ar meḛ dee wəi dɔ néreaje’g ləm, Gə dɔ néreaje gə́ maji dum gə́ yeḛ ar dee d’oo lé ləm tɔ.

Teḛ-Raga 32:34

Ɓasinè lé aw, ɔr no̰ dəwje lé teḛ sə dee loo gə́ m’ulai’g lé. Aa oo, kura ləm gə́ dara a kɔr nɔḭ nɛ mee ndəa gə́ ma m’wɔji lé ndá m’a kar bo̰ kaiya ra dee ɔs ta dee’g bɔsɔrɔ ya.

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 23:2

Gelee gə́ nee ɓa Njesigənea̰, Ala lə Israɛlje pa ne ta togə́bè dɔ njékul koso-dəwje gə́ d’ul dəwje lə neḛ pana: Seḭ saneje badje ləm kad-kad ləm, seḭ tuba deeje ləma, seḭ ooje goo dee el ləm tɔ. Aa ooje, m’a kar bo̰ néra majelje lə sí ɔs ta sí’g. Njesigənea̰ ɓa pa bèe.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 5:14

Ŋgatɔgje lé d’aw D’isi tarəwkɔg’d el ŋga ləm, Basaje kara d’unda ŋgaŋ paje lə dee ləm tɔ.

Ejekel 16:12

n’ula ŋgama əmi’g ləm, n’tula némbi mbii’g ləma, n’ula dɔgugu gə́ maji dum dɔi’g ləm tɔ.

Ejekel 16:17

I odo néɗɔi-rɔje gə́ maji dum ləi gə́ ra gə larlɔr gə larnda gə́ neḛ n’ari lé ndá i ra ne néndajije gə́ tana gə diŋgamje tɔɓəi i ya̰ ne rɔi yag dan kaiya’g sə dee.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ojee 11:2

Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 13:1

Loo gə́ Eprayimje d’isi pata ndá To né gə́ to ɓəl kədm-kədm: Deḛ d’ar ri dee oso gə loo mbidi-mbidi mee ɓee gə́ Israɛl. Nɛ d’ar ta wa dɔ dee mbata lə magə-Baal ndá d’wəi ne.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Ojee 4:13

Deḛ d’inja néməsje dɔ sém mbalje’g tar ləm, Deḛ roo néje gə́ ə̰də sululu dɔ dɔdərlooje’g Gel kagje gə́ ɓar dee sɛnəje gə pəplierje gə térébḭtəje Gə́ ndil dee to maji ya ləm tɔ. Gelee gə́ nee ɓa ŋgan síje gə́ dené D’ya̰ rɔ dee dan mɔdkaiya’g ləm, Məm síje-je gə́ dené kara Tel to ne kaiya-denéje ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Tel tura Godndu 32:18

Seḭ ubaje kɔr mbal gə́ oji sí lé yá̰je ləm Seḭ arje meḛ sí unda pudum dɔ Ala’d Gə́ to ginkoji sí lé ləm tɔ.

Tel tura Godndu 6:12

Ar məəi dɔ rɔi’g nà loo gə́ i a sɔ karee asi nag ndá məəi a kwəi dɔ Njesigənea̰’d gə́ ari unda loo mee ɓee gə́ Ejiptə’g mee kəi kula ɓər’g teḛ lé.

Njéga̰g-Rəwtaje 10:6

Israɛlje tel ra né gə́ taa kəm Njesigənea̰ el ya tɔɓəi, deḛ pole magə-Baalje ləm, gə magə-Astartéje ləm, gə magəje gə́ Siri ləm, gə magəje gə́ Sido̰ ləm, gə magəje gə́ Moab ləm, gə magəje lə Amo̰je ləma, gə magəje lə Pilistije ləm tɔ ndá d’uba ne Njesigənea̰ d’yá̰ lal kwá meḛ dee’g.

Njéga̰g-Rəwtaje 3:7

Israɛlje ra né gə́ taa kəm Njesigənea̰ el, d’ar meḛ dee wəi dɔ Njesigənea̰, Ala’g lé lə dee ndá deḛ pole magə-Baalje gə magəje gə́ raŋg tɔ.

1 Samel 12:9

Nɛ deḛ d’ar meḛ dee wəi dɔ Njesigənea̰ Ala’g lə dee ndá Njesigənea̰ ya̰ dee ji Sisera’g, mbai dɔ njérɔje gə́ Asɔr ləm, gə ji Pilistije’g ləma, gə ji mbai’d gə́ Moab ləm tɔ ar dee rɔ sə dee.