Ojee 14:7 - Maktub gə́ To gə Kəmee

⁷ Barkəmeeje d’a tɔ kalè, Boo-ronduba ləa a to kasəna gə boo-ronduba lə kag-koiyo ləm, Baḭyee a kə̰d sululu asəna gə kagje gə́ Liba̰ bèe ləm tɔ.

Ojee 14:7 ပူးပေါင်းရင်းမြစ်များ

Pakɔsje 138:7

Loo gə́ ma m’isi dan néurti’g lé I nja am m’isi kəmba ləm, I ula jii ndiŋ ɔg ne njéba̰je ləm dɔ oŋg’g lə dee ləma, Jikɔli ɓa i ajim ne ləm tɔ.

Pakɔsje 85:6

See məəi gə́ ḭ səi dɔ sí’g lé a to saar gə no̰ wa. Esé see i a kar oŋg ləi Aw gə́ kédé-kédé dɔ sí’g saar-saar gə no̰ ya wa.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 4:11

Njemɔr ləm, ubu tə̰ji ḭ tai’g ndəi ɗəŋ-ɗeŋ ləm, Ubu tə̰ji gə mbà to gel ndɔḭ’g ləma, Baḭ kubu ləi ə̰də sululu To gə́ baḭ loo gə́ Liba̰ bèe ləm tɔ.

Pa gə́ ur dɔ paje 6:11

Ma m’aw loo-ma̰a-kag-sɔ’d gə́ ria lə noyer Mba koo mu gə́ idi wəl-loo’g, Mba koo see nduú uba wa. Mba koo see dḭje d’aw pudu wa.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Ejekel 17:23

N’a mea̰ dɔ mbal gə́ ŋgal gə́ Israɛl. Yee a tɔ barkəmeeje ləm, a kandə njim-njim ləma, a tel to kag-sɛdrə gə́ maji dum ləm tɔ. Yelje gə́ gə gel dee gel dee d’a kwa rɔ dee gelee’g ləm, néje lai gə́ gə bag dee d’a kwa rɔ dee barkəmeeje’g ləm tɔ.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Ojee 2:22

M’a to njemɔr ləi gə́ gəd gə goo ŋgonkoji, Yee ɓa i a gərm ne gə́ Njesigənea̰ ya.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Tagə́maji gə́ Ja̰ ndang 11:25

Jeju ulá pana: Ma lé m’to njekar dəwje teḛ dɔkumbwa’g ləm, ma m’to gə́ njekula kəmə lé meḛ dee’g ləm tɔ. Nana ɓa gə́ ɔm mée dɔm’g lé wəi gə́ kwəi kara a tel si kəmba ya.

Tagə́maji gə́ Ja̰ ndang 12:24

Ma m’ula sí təsərə, kandə kó gə́ oso naŋg lé ɓó lé wəi el ndá a to kára ba kiao ya, nɛ ɓó lé wəi ndá a koji maree gə́ kédé-kédé.