Ojee 14:5 - Maktub gə́ To gə Kəmee

⁵ Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Ojee 14:5 ပူးပေါင်းရင်းမြစ်များ

2 Samel 23:4

Yeḛ to asəna gə lookàr gə́ gə ndɔ Loo gə́ kàr uba bər Lookàr gə́ gə ndɔ gə lal ndi gə́ tɔ tii-tii bèe. Kṵjeje gə́ orè goo ndi lé ɓa D’ar muje d’unda ne loo dɔ naŋg’d teḛ.

2 Mbaije 19:30

Ges gel-bɔje lə Juda gə́ d’a gə nai lé d’a tel kula ŋgira dee gə́ sigi naŋg mag-mag gogo gə d’a kandə gə ka̰ dee njim-njim gə́ tar tɔ.

Maktub gə́ wɔji dɔ Jɔb 29:19

Ŋgiramje a to dan mán’g ləm, Barkəmje kara d’a kwa dɔ dee’g yududu loondul’g ləm tɔ.

Pakɔsje 133:3

To asəna gə mán-tàl gə́ ḭ dɔ mbal gə́ Hermo̰’g Oso dɔ looje gə́ ndəw gə́ Sio̰ bèe, Lée neelé ɓa Njesigənea̰ ula gə né ndutɔr keneŋ Yee ɓa to si kəmba saar-saar gə no̰ lé.

Pakɔsje 72:16

Ko a to gə́ naŋg rib-rib mee ɓee’g ləm, Gə dɔ sém mbalje’g ləm tɔ: Dɔ kó a kula tar yəgə-yəgə to gə́ dɔ kagje gə́ Liba̰ bèe ləm, Dəwje kara d’a kidi pug-pug mee ɓee-booje’g asəna gə muje gə́ to dɔ naŋg’d bèe ləm tɔ.

Pakɔsje 72:6

Yeḛ a to kasəna gə ndi gə́ ər dɔ mu gə́ d’inja dəa bèe ləm, Asəna gə ndi gə́ yəm njigi-njigi dɔ naŋg’d bèe ləm tɔ.

Pakɔsje 80:9

I ɔr kag-nduú mee ɓee gə́ Ejiptə ləm, I tuba ginkoji dəwje gə raŋg lé ləm tɔ Ndá ya̰ tor dee ma̰a nduú lé keneŋ.

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Pakɔsje 92:13

Njémeekarabasurje lé ra tɔg gə́ kédé-kédé to gə́ kag-tumbur bèe ya ləm, Deḛ teḛ mbi teḛ boo to gə́ kag-sɛdrə gə́ Liba̰ bèe ya ləm tɔ.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Pa gə́ ur dɔ paje 4:5

Mbàije joo bɔr lé To d’asəna gə ŋgan da-kalje joo, D’asəna gə arkasje gə́ to nduŋgaje Gə́ d’aar d’o̰ mu mbuna ndujaje’g bèe.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Esai 27:6

Mee ndəaje gə́ d’a gə ree lé Jakob a kula ŋgirá naŋg ləm, Israɛl a kidi kar pudeeje gə barkəmeeje to keneŋ ləm tɔ Ndá ka̰dee a taa naŋg nee pəl-pəl.

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Esai 45:8

Maji kar néra gə́ gə dɔ najee lé Ḭ mee dara’g ər to gə́ ndi bèe ləm, Kar pélé lə ndi yəm dɔ naŋg nee ləm tɔ! Maji kar dɔ naŋg ta̰ ar kaji ra tɔg keneŋ ləm, Ar néra gə́ gə goo rəbee uba keneŋ səa na̰’d ləm tɔ! Ma Njesigənea̰ m’to gə́ njekunda néje neelé lai.

Esai 57:18

Ma m’oo rəw-kabeeje Ndá m’a kajee tɔ, M’a to njekɔrnea̰ ləm, M’a to njegɔl mée-yeḛ Gə ka̰ dee-deḛ gə́ no̰ səa lé ləm tɔ.

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 32:41

Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Ojee 6:3

Ar sí n’gərje Njesigənea̰ ndolèje gée, Ree ləa lé to tɔgərɔ to gə́ kàr gə́ uba kuji’g bèe. Yeḛ a ree asəna gə mán ndi bèe mbata lə sí ləm, Asəna gə ndi gə́ doŋgɔr gə́ yɔm dɔ naŋg bèe ləm tɔ.

Misee 5:7

Ges Jakobje d’a nai mbuna ginkoji dəwje gə́ bula digi-digi’g Asəna gə toboḭ gə́ aar mbuna daje gə́ mee kag-kɔr’g bèe ləm, Asəna gə ŋgon toboḭ gə́ aar mbuna koso-ŋgan badje’g bèe ləm tɔ. Loo gə́ yee dəs mba kaw ndá Yee tuba dee naŋg ləm, Yee ti dee mbidi-mbidi ləm tɔ Ar dəw gə́ njetaa dɔ dee godo.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Matiyo 6:28

Bèe ŋga see ban ɓa arje meḛ sí pélé wəs-wəs dɔ kubu-kula-rɔ sí’g ɓəi wa. Oreeje kəm sí sḭ dɔ pudu ndujaje gə́ mee ndɔ’g ooje, puduje neelé ra kula el ləm, sorè kúla yereŋ el ləm tɔ.

Lugu 12:27

Oreeje kəm sí sḭ dɔ pudu ndujaje’g gə́ mee ndɔ’d ooje, puduje neelé ra kula el ləm, sorè kula yereŋ el ləm tɔ. Nɛ lé bèe kara ma nja m’ula sí təsərə, loo ndubarɔ lə Salomo̰ gə kubu gə́ rəa’g kara ur dɔ pudu ndujaje’g neelé el.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Tel tura Godndu 32:2

Maji kar ta ndoo ləm taa loo pəl-pəl asəna gə ndi gə́ ər bèe ləm Ta ləm tɔ asəna gə mán-tàl Gə́ wa dɔ naŋg bèe ləm Asəna gə ndi dodaŋ Gə́ ər dɔ mu gə́ idi lururu’g ləma Asəna gə mán ndi Gə́ ula kəŋgəŋ-kəŋgəŋ dɔ mu’g bèe ləm tɔ!