Ojee 14:1 - Maktub gə́ To gə Kəmee

¹ Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 14:1 ပူးပေါင်းရင်းမြစ်များ

2 Mbaije 8:12

Ajael dəjee pana: See gelee ban ɓa mbai ləm no̰ ne wa. Ndá Elije tel ilá keneŋ pana: Mbata ma m’gər némajel gə́ i a gə ra gə Israɛlje lé: i a gə kila pər dɔ ɓee-booje’g lə dee gə́ siŋga dee to kɔgərɔ-kɔgərɔ ləm, i a gə tɔl basaje lə dee gə kiambas ləm, i a gə rəd ŋgan deeje gə́ nai gɔ-gɔ naŋg ləma, i a gə ta̰ mee denéje lə dee gə́ d’aw gə kèm lé ləm tɔ.

Esai 19:22

Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 33:14

Loo gə́ neḛ n’ula njemeeyèr m’pana: I a kwəi! ɓa ɓó lé yeḛ uba goo kaiya ləa ya̰ ra ne né gə́ danasur ləm, ra ne né gə́ gə dɔ najee ləm tɔ,

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Ojee 12:6

Njesigənea̰ to Ala gə́ njeboo-néje, Ria to Njesigənea̰ ya.

Ojee 12:8

Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi

Ojee 13:9

Ǝi Israɛlje, né gə́ ar sí tujije lé To mbata yeḛ gə́ askəm la sə sí lé Seḭ ḭje səa ɔseeje rəw.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Ojee 5:5

Beelé lə Israɛlje lé ɓa ila ta dɔ dee’g, Néra kori-korije lə Israɛlje gə Eprayimje lé Yee ɓa a kar dee d’oso ne, Judaje kara d’a koso ne sə dee na̰’d tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Ojee 9:13

Loo gə́ m’un kəm m’oo loo gə́ əw par gə́ Tir ndá M’oo Eprayimje gə́ d’isi loo gə́ maji dum’g, Nɛ Eprayimje d’a kaw gə ŋgan deeje par gə́ rɔ njetɔl dee’g.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 1:13

Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.