Ojee 13:15 - Maktub gə́ To gə Kəmee

¹⁵ Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ojee 13:15 ပူးပေါင်းရင်းမြစ်များ

Gḭ-Néje 41:23

Dɔ koje gə́ siri gə́ to gə́ sumee ləm, aar jəm ləma, lel gə́ ḭ bər kara tudu dee ləm tɔ lé d’uba goo dee’g.

Gḭ-Néje 41:52

Ŋgon gə́ njekɔm’g joo lé yeḛ unda ria lə Eprayim mbata yeḛ pana: Ala am m’oji ŋganje dɔ naŋg gə́ deḛ ra səm néurti keneŋ.

Gḭ-Néje 41:6

Dɔ koje siri gə́ d’aar jəm ləm, lel gə́ ḭ bər tudu dee ləm tɔ lé d’uba goo dee’g.

Gḭ-Néje 48:19

Nɛ bɔbeeje mbad pana: Ma m’gər gao, ŋgonəm, ma m’gər gao ya, yeḛ kara a tel to ginkoji dəwje ləm, yeḛ a to dəw gə́ boo ləm tɔ. Nɛ ŋgokea̰ gə́ ndɔḭ lé a kur dəa’g ləm, ŋgakeaje kara d’a tel to ginkoji dəwje bula ləm tɔ.

Gḭ-Néje 49:22

Jisəb to barkəm kag gə́ andə njim-njim ləm, To barkəm kag gə́ aar kəm-rəw-mán’g ləm tɔ, Barkəmeeje lé d’ḭ tur dɔ ndògo-bɔrɔ.

Maktub gə́ wɔji dɔ Jɔb 18:16

Gel ŋgiráje gə́ naŋg lé tudu kurum-kurum ləm, Deḛ tuga barkəmeeje gə́ tar badə-badə ləm tɔ.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 109:13

Maji kar ginkaje ləa d’udu guduru ləm, Ri dee kara maji karee udu bo̰ mbuna ŋgakeaje gə́ d’a gə teḛ gogo ɓəi lé ləm tɔ.

Esai 14:21

Waje dɔ gɔl loo-tɔl-ŋganje Mbata néra gə́ yèr lə bɔ deeje lé! Maji kar dee d’ḭ gə mba dum dɔ naŋg nee el ləm, Gə mba kar njéba̰je taa dɔ naŋg nee pəl-pəl el ləm tɔ!

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Jeremi 20:5

Nébaoje lai gə́ to mee ɓee-boo’g neelé ləm, gə nékiŋgaje ləa lai gə́ dəwje d’inja təd bur ɓa d’iŋga lé ləm, gə néje ləa lai gə́ maji dum ləma, gə nébaoje lai gə́ to ka̰ mbaije gə́ Juda ləm tɔ lé n’a ɓugu dee meḛ ji njéba̰je’g lə dee kar dee d’odo d’aw ne Babilɔn.

Jeremi 4:11

Mee ndəa’g neelé D’a kula koso-dəwje nee ləm Gə ɓee gə́ Jerusalem ləm tɔ pana: Lel gə́ nuŋga kəd-kəd ḭ dɔdərlooje gə́ dɔdilaloo’g Ula rəw-kaw’g lə ŋgolə koso-dəwje ləm gə́ dené Nɛ gə mba tó ne kó el ləm, Gə mba gɔl ne kandə né el ləm tɔ.

Jeremi 4:12

To lel-boo gə́ ḭ keneŋ Ula saar ree rɔm’g. Ɓasinè m’a gə gaŋg ne ta dɔ dee’g ŋga.

Jeremi 51:1

Njesigənea̰ pa togə́bè pana: Aa ooje, ma m’ar lel gə́ njetujiloo Aw gə́ dɔ Babilɔn’g Gə dɔ dee gə́ d’isi Kalde.

Jeremi 51:36

Gelee gə́ nee ɓa Njesigənea̰ pa ne ta togə́bè pana: Aa ooje, m’a kaḭ rɔ mbata lə sí ləm, M’a dal ba̰ lə sí ləm tɔ! M’a kar baa-boo-kad gə́ Babilɔn Tudu kurum-kurum ləm, M’a kar ŋgira mán ləa yi tə-tə ləm tɔ.

Ejekel 17:10

Aa ooje, deḛ meaa̰ mba̰. See a teḛkɔr ya wa. Ɓó lé lel gə́ ḭ bər ree ula dəa’g ndá see a tudu el wa. Yee a tudu dɔ naŋg gə́ yee uba keneŋ lé ya.

Ejekel 19:12

Nɛ nduú neelé deḛ tɔree gə boo-oŋg d’ɔm naŋg, Lel gə́ ḭ bər ula keneŋ ar ka̰dee tudu kurum-kurum, Barkəmeeje gə́ siŋ na̰’d siŋ-siŋ təd ləm, Tudu kurum-kurum ləma, Pər roo dee dula-dula ləm tɔ.

Loo gə́ killa rea kəm Daniel’g 11:8

Yeḛ a kodo magəje lə dee ləm, gə néndajije lə dee gə́ léḛ gə larndul ləma, gə némajije lə dee gə́ ra gə larnda gə larlɔr ləm tɔ ndá a kaw ne sə dee Ejiptə gə́ nébanrɔ. Tɔɓəi mee ləbje gə́ na̰je yeḛ a si əw gə mbai gə́ dɔgel lé.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Ojee 4:19

Lel a ɓiri dee kaw sə dee. Bèe ɓa rɔkul a dəb dɔ dee’g mbata nékinjanéməsje lə dee ya.

Ojee 9:11

Rɔnduba lə Eprayimje a kḭ kaw to gə́ yel bèe, Denéje d’a koji ŋganje el ləm, D’a kaw gə kèm gə́ tɔg el ləma, D’a keskèm el ləm tɔ.

Junas 4:8

Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.

Nahum 2:9

Ninibə lé kédé to asəna gə duu-mán gə́ mán aar keneŋ bèe Nɛ aa oo, manje d’yi tə-tə. Deḛ pana: Aarje naŋg, aarje naŋg! ... Nɛ dəw kára kara ɔm rəd el.

Tel tura Godndu 33:17

Yeḛ to ŋgondər bɔ maŋg ləa, Rɔnduba to kea̰ yeḛ nja, Gajeeje to d’asəna gə gaji dadɔg bèe, Yeḛ wa ne koso-dəwje lai Saar teḛ ne rudu naŋg’d: Deḛ to koso-dəwje lə Eprayim Gə́ bula digi-digi ləm, Deḛ to ka̰ Manasə Gə́ tɔl-dɔg-dɔg (1.000) lé ləm tɔ.