Ojee 12:8 - Maktub gə́ To gə Kəmee

⁸ Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi

Ojee 12:8 ပူးပေါင်းရင်းမြစ်များ

Pakɔsje 49:6

See gə mba ɗi ba m’a ɓəl ndɔ némeeko̰ Loo gə́ néra gə́ kori-kori lə njékoma̰ səmje gugu dɔm sub lé wa.

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Gosota-Kəmkàrje 11:1

Nékwɔji-né gə́ ŋgɔm to né gə́ mina̰ kəm Njesigənea̰’g, Nɛ kwɔi lə né gə́ gə goo rəbee taa kəmee rəgm.

Gosota-Kəmkàrje 30:12

Ginkoji dəwje gə́ na̰je d’isi gən Gə́ d’oo rɔ dee gə́ dəwje gə́ d’àr ŋgad-ŋgad, Nɛ deḛ togo né gə́ mina̰ gə́ to rɔ dee’g el.

Gosota-Kəmkàrje 30:20

Rəw-kaw kaiya-dené ɓa to nee: Yeḛ sɔ né ndá bɔr təa péd, Tɔɓəi yeḛ pana: Ma m’ra majel el.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Jeremi 5:27

To asəna gə kəi-yel gə́ dəw ra bèe Ɓa ɔm yelje keneŋ aree rusu tub-tub lé Néraje gə́ ŋgɔm taa mee kəije lə dee pəl-pəl togə́bè ləm tɔ. Yee gə́ bèe ɓa deḛ tel to ne Njésiŋgamoŋje ləm, gə baoje ləm tɔ.

Ejekel 28:5

Gə goo boo-kəmkàr ləi gə tel kəm lar ləi ɓa i ar nébaoje ləi d’ḭ ne dɔ maree’d gə́ kédé-kédé tɔɓəi nébaoje ləi lé d’ari beelé məəi’g.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Amɔs 8:5

Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

Habakuk 1:16

Gelee gə́ nee ɓa deḛ d’inja ne nékinjaməs d’ar buraje lə dee ləm, Deḛ roo ne néje gə́ ə̰də sululu d’ar bura-masaŋ lə dee ləm tɔ. Mbata mbɔl dɔ dee ɓa kɔr naḭ ubu lə dee to ne keneŋ ləm, Nésɔ lə dee gə́ lel ta’g lé Taa ne rɔ dee pəl-pəl ləm tɔ.

Jakari 11:5

Deḛ gə́ ndogo dee lé tḭja gwɔs dee lal né gə́ bèe. Yeḛ gə́ rab dee lé pana: Maji kar dɔ ri Njesigənea̰ ai səgərə mbata ma m’tel ne bao. Nɛ njékulbadje d’oo kəmtondoo lə dee el.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Malasi 3:13

Tapa sí gə́ kədərə ɓa seḭ ilaje ne ta dɔm’g. Njesigənea̰ pa bèe. Nɛ seḭ pajena: See ta ɗi ɓa seḭ ilaje dɔm’g wa.

Lugu 10:29

Nɛ dəw neelé tel dəji Jeju gə mba kɔr ne rɔkul ta neelé dəa’g pana: See na̰ ɓa gə́ njemarm wa.

Lugu 12:19

ndá n’a kula rɔ neḛ pana: Rɔm, nékiŋgai to yaa̰, a ra səi ləb bula yaa̰. Bèe ndá maji kari taa kəmə ɓó gə sɔ gə ai ra ne rɔlel tɔ.

Lugu 16:13

Dəw kára as ra kula kar ɓéeje joo el. Mbata yeḛ a kaw gə yeḛ gə́ kára mée’g, nɛ a kunda yeḛ gə́ kára dan kəmee’g tɔ, əsé yeḛ a kii rəa kər-kər gə́ rɔ nje gə́ kára’g nɛ a ɓar yeḛ gə́ kára tɔ. Seḭ asjekəm raje né kar Ala ləm, gə raje néhulaije gə́ dɔ naŋg nee ləm tɔ, korè dee na̰’d el.

Lugu 16:15

Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Tel tura Godndu 8:17

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Timote 6:5

gə maḭta gə́ gə mḭdé-mḭdé ləm tɔ. Deḛ gə́ ra togə́bè lé ndum ta ɓa wa meḛ dee, ar kankəmta kára kara uba meḛ dee təb el tɔ, dee tel ta kwa Ala mée’g gə goo rəbee lé tel to gə́ rəw nékiŋga ba.

Loo gə́ killa rea kəm Ja̰’g 3:17

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.