Ojee 12:6 - Maktub gə́ To gə Kəmee

⁶ Njesigənea̰ to Ala gə́ njeboo-néje, Ria to Njesigənea̰ ya.

Ojee 12:6 ပူးပေါင်းရင်းမြစ်များ

Gḭ-Néje 49:18

Ǝi Njesigənea̰, ma m’ŋgina kaji ləi!

Pakɔsje 123:2

Aa oo, to gə́ kəm kuraje lé wəi sḭ dɔ ji ɓée deeje’g ləm, To gə́ kəm kura gə́ dené wəi sḭ dɔ ji ɓéeje gə́ dené bèe ləm tɔ lé Jeḛ nja kara n’telje ne kəm sí par gə́ rɔ Njesigənea̰ Ala’g lə sí togə́bè to Saar gə mba karee oo ne kəmtondoo lə sí.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 37:7

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Gosota-Kəmkàrje 1:23

Telje gə́ goo tandəjije ləm gə́ nee! Amje, m’ar ndiləm ɔm dɔ sí’g ləm, M’a kar sí gərje tapamje ləm tɔ.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Esai 1:16

Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 58:6

Aa ooje, kɔg-mee-ɓoo gə́ taa kəm lé ɓa nee: Tudu kúla lar gə́ ka̰ meeyèr ləm, Tudu kúla lar gə́ ka̰ kula ɓərje ləm, Kya̰ goo deḛ gə́ d’ula kəm dee ndòo kar dee d’aw ləma, Néje lai gə́ to néməməna̰ lé Təd gwɔb dee’g ləm tɔ,

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Jeremi 22:15

See i o̰ ɓee Mbata mal kag-sɛdrəje gə́ wa məəi wa. See bɔbi sɔ né gə ai né el wa. Nɛ yeḛ nja gaŋg rəwta gə goo rəbee ləm, Gə dɔ najee ləm tɔ Ndá yeḛ si ne dan rɔlel’g.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 5:24

Nɛ maji kar néra gə́ danasur to asəna gə kəm-rəw-mán bèe ləm, Arje néra gə́ gə dɔ najee kara to asəna gə mán gə́ kəm-rəw-mán gə́ yi tə el ləm tɔ.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Jakari 1:3

Yeḛ pana: Ula dee pana: Njesigənea̰ gə́ njeboo-néje pa togə́bè pana: Gə́ tel reeje rɔ neḛ’g, Njesigənea̰ gə́ njeboo-néje ɓa pa bèe.

Jakari 7:9

Njesigənea̰ gə́ njeboo-néje pa togə́bè pana: Gaŋje rəwta gə́ gə dɔ najee ləm, Raje gə na̰ meemaji ooje ne kəmtondoo lə na̰ ləm tɔ.

Jakari 8:16

Aa ooje, né gə́ kəm kar sí raje ɓa nee: Ulaje na̰ kankəmta mbuna na̰’d ləm, Gaŋje rəwta tarəwkɔgje’g lə sí gə goo rəbee Mba si ne gə meekulɔm ləm tɔ.

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.