Ojee 11:2 - Maktub gə́ To gə Kəmee

² Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 11:2 ပူးပေါင်းရင်းမြစ်များ

1 Mbaije 12:33

Tɔɓəi yeḛ tuga loo aw loo-nékinjaməs’d gə́ yeḛ ra Betel lé mee ndɔ gə́ dɔg-giree-mi lə naḭ gə́ njekɔm’g jinaijoo’g, to naḭ gə́ yeḛ nja ɔree unda to gə́ mée ndigi. Yeḛ ra naḭ mbata lə Israɛlje ləm, yeḛ tuga loo aw dɔ loo-nékinjaməs’g gə mba roo né gə́ ə̰də sululu keneŋ ləm tɔ.

1 Mbaije 18:19

Ɓasinè ar dee mbo̰ Israɛlje lai ree sə dee rɔm’g dɔ mbal gə́ Karmel ləm, gə njéteggintaje lə Baal gə́ tɔl-sɔ gə dɔ dee rɔ-mi (450) gə njéteggintaje lə Astarte gə́ tɔl-sɔ gə́ (400) d’isi ta ka-nésɔ’g lə Jejabel lé ləm tɔ.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 35:13

Njesigənea̰, Ala lə Israɛlje pa togə́bè pana: Aw dəji dəwje gə́ Juda gə njé gə́ Jerusalem pana: See seḭ a taaje tandoo gə mba kila ne ŋgonkoji dɔ ta’g ləm wa. Njesigənea̰ ɓa dəji sí ta bèe.

Jeremi 44:5

Nɛ deḛ d’un mbi dee rəw dɔ ta’g ləm ləm, deḛ tuga mbi dee el ləm, deḛ d’ya̰ goo néra majel lə dee el ləma, deḛ d’unda ŋgaŋ tuu né gə́ ə̰də sululu kar magəje el ləm tɔ.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 4:13

Deḛ d’inja néməsje dɔ sém mbalje’g tar ləm, Deḛ roo néje gə́ ə̰də sululu dɔ dɔdərlooje’g Gel kagje gə́ ɓar dee sɛnəje gə pəplierje gə térébḭtəje Gə́ ndil dee to maji ya ləm tɔ. Gelee gə́ nee ɓa ŋgan síje gə́ dené D’ya̰ rɔ dee dan mɔdkaiya’g ləm, Məm síje-je gə́ dené kara Tel to ne kaiya-denéje ləm tɔ.

Ojee 4:17

Eprayimje lé to njérḛ́ dɔ magə-poleje’g rḛ́-rḛ́, ndá maji kar sí uba deeje ya̰ deeje.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Tagə́maji gə́ Ja̰ ndang 3:19

Ta gə́ wa dɔ dəwje lé ɓa nee: mbata lookàr ree naŋg nee mba̰ nɛ deḛ ndigi loondul unda lookàr mbata néra dee to majel.

Néra Njékaḭkulaje 7:51

Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

Njéga̰g-Rəwtaje 10:6

Israɛlje tel ra né gə́ taa kəm Njesigənea̰ el ya tɔɓəi, deḛ pole magə-Baalje ləm, gə magə-Astartéje ləm, gə magəje gə́ Siri ləm, gə magəje gə́ Sido̰ ləm, gə magəje gə́ Moab ləm, gə magəje lə Amo̰je ləma, gə magəje lə Pilistije ləm tɔ ndá d’uba ne Njesigənea̰ d’yá̰ lal kwá meḛ dee’g.

Njéga̰g-Rəwtaje 2:13

Deḛ d’uba Njesigənea̰ d’yá̰ ndá deḛ tel pole magə-Baal gə Astarteje ɓa.

Njéga̰g-Rəwtaje 3:7

Israɛlje ra né gə́ taa kəm Njesigənea̰ el, d’ar meḛ dee wəi dɔ Njesigənea̰, Ala’g lé lə dee ndá deḛ pole magə-Baalje gə magəje gə́ raŋg tɔ.