Ojee 11:11 - Maktub gə́ To gə Kəmee

¹¹ D’a kḭ Ejiptə kalaŋ to gə́ yel bèe ləm, D’a kḭ ɓee gə́ Asiri to gə́ dərnda bèe ləm tɔ. Yen ŋga m’a kar dee d’isi mee kəije’g lə dee ɓəi. Njesigənea̰ ɓa pa bèe tɔ.

Ojee 11:11 ပူးပေါင်းရင်းမြစ်များ

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 60:8

Deḛje nee gə́ d’ḭ to gə́ kil-lə-ndi bèe ləm, To gə́ dərndaje gə́ d’ḭ d’aw gə́ kəi-kul dee’g ləm tɔ lé See to na̰je wa.

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Ejekel 34:27

Kagje gə́ mee ndɔ’g d’a kandə gə kandə dee njim-njim ləm, dɔ naŋg a teḛ gə ka̰dee ləm tɔ. D’a si gə meelɔm mee ɓee’g lə dee ndá d’a gər to gə́ neḛ n’to Njesigənea̰ loo gə́ n’a ti kúla néməmənaje lə dee ləm, n’a kɔr dee ji deḛ gə́ d’ar dee ra kula ɓər d’ar dee ləm tɔ.

Ejekel 34:28

D’a to nékunda banrɔ mbuna ginkoji dəwje gə raŋg’g el ŋga ləm, daje gə́ mee wala’g d’a sɔ dee el ŋga ləm tɔ ndá d’a si gə́ majee ɓó dəw kára kara a kɔm ɓəl dɔ dee’g el ŋga.

Ejekel 37:21

M’a kula dee pana: Mbaidɔmbaije gə́ Njesigənea̰ pa togə́bè pana: Aa ooje, n’a kɔr Israɛlje mbuna ginkoji dəwje gə raŋg gə́ deḛ d’aw keneŋ ləm, n’a mbo̰ dee dɔ na̰’d gə looje lai ləma, n’a tel ree sə dee mee ɓee’g lə dee gogo ləm tɔ.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Ojee 7:11

Eprayimje to d’asəna gə dərnda Gə́ kəmee àr dɔ rəa’g el bèe, Deḛ no̰ ɓar Ejiptəje ləm, Deḛ d’ḭ d’aw Asiri ləm tɔ.

Abdias 1:17

Nɛ kaji a to dɔ mbal gə́ Sio̰’d Gə́ a to gə kəmee ləm, Ginkoji Jakobje lé D’a tel taa nénduba lə dee gogo ya ləm tɔ.

Jakari 10:10

N’a kar dee d’ḭ Ejiptə tel ree ləm, N’a mbo̰ dee mee ɓee gə́ Asiri ləm tɔ, N’a kar dee ree ɓee gə́ Galaad gə Liba̰ Ndá loo a kas dee el.

Jakari 8:7

Njesigənea̰ gə́ njeboo-néje lé pa togə́bè pana: Aa ooje, neḛ n’ɔr koso-dəwje lə neḛ mee ɓee’g par gə́ bər ləm, Gə loo gə́ kàr ur naŋg keneŋ ləm tɔ n’aji dee.

Jakari 8:8

N’a ree sə dee ndá d’a si Jerusalem, D’a to koso-dəwje lə neḛ ləm, N’a to Ala lə dee Gə goo kankəmta gə néra gə́ danasur ləm tɔ.