Ojee 10:4 - Maktub gə́ To gə Kəmee

⁴ Deḛ lé pa taje budu-budu ləm, D’ubu rɔ dee gə taŋgɔm Loo gə́ deḛ man ne rɔ dee d’ar na̰ ləm tɔ. Togə́bè ɓa bo̰ néra dee kara A kuba dee naŋg bus to gə́ kag-táaje Gə́ d’uba dɔ ɓaije gə́ mee ndɔ’g bèe.

Ojee 10:4 ပူးပေါင်းရင်းမြစ်များ

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Ojee 4:2

Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Ojee 6:7

Deḛ d’ya̰ goo ta manrɔ lə dee To gə́ dəwje gə́ kari ba bèe, Yee gə́ bèe ɓa deḛ d’ubam d’ya̰’m ne.

Amɔs 5:7

Seḭ gə́ arje ta gə́ gə dɔ najee Tel to né gə́ adə mbag-mbag ləm, Né gə́ dana sur lé kara seḭ mbɔḭje naŋg ləm tɔ!

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Néra Njékaḭkulaje 8:23

mbata ma m’ooi to gə́ ŋgira meekad rusu məəi ləm, néra gə́ kori-kori kara tɔi jo̰dɔrɔ ləm tɔ.

Njé gə́ Rɔmə 1:31

Ŋgonkoji to rɔ dee’g nda̰ bèe el ləm, d’unda na̰ dan kəm na̰’d el ləma, d’oo kəmtondoo lə mar deeje el ləm tɔ.

Tel tura Godndu 29:18

Ta manrɔ gə́ pa gə rɔkubu neelé maji kar dəw kára kara oo taree ɓa ti ne rəa mée’g pana: Lé ma m’ndolè goo né gə́ məəm ndigi ləm, ma m’ai ne kido m’aree tɔl kunda ləm tɔ kara m’a si ne lɔm ya lé, maji karee pa bèe el.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

2 Timote 3:3

D’a to njémeekədərəje ləm, gə njélal koo kəmtondoo lə mar deeje ləm, gə njétədtaŋgɔm kunda ta mar deeje’g ləm, gə njékwaŋgaŋ rɔ deeje el ləm, gə njéra nékərm-kərmje ləma, gə njéba̰je lə dəwje gə́ njéra néje gə́ maji ləm tɔ.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.