Ojee 10:13 - Maktub gə́ To gə Kəmee

¹³ Seḭ ndɔje kandə néra gə́ majel ləm, Seḭ injaje néra gə́ kori-korije ləma, Seḭ sɔje kandə néŋgɔmje ləm tɔ. Mbata seḭ ɔmje meḛ sí dɔ rəw-kaw síje’g ləm, Gə dɔ bao-rɔje’g lə sí gə́ bula digi-digi ləm tɔ.

Ojee 10:13 ပူးပေါင်းရင်းမြစ်များ

Maktub gə́ wɔji dɔ Jɔb 4:8

Ma lé m’oo gao, deḛ gə́ d’ɔs gel néra gə́ kori-kori ləm, Gə́ dubu néra gə́ gə dɔ najee el ləm tɔ lé d’a kinja ka̰dee ya tɔ.

Pakɔsje 33:16

Kudu boo-njérɔje ɓa d’askəm kaji mbai lé el ləm, Boo-siŋgamoŋ lé kara as kɔr bao-rɔ kilá tar el ləm tɔ.

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Gosota-Kəmkàrje 1:31

Ndá d’a kul rɔ dee gə kandə né Gə́ ḭ dan panjaa dee’g ləm, Takwɔji-kəmkàrje lə dee-deḛ ya ɓa A kas dee nag-nag ləm tɔ.

Gosota-Kəmkàrje 12:19

Kankəmta gə́ pa njaŋg lé to gə no̰, Nɛ taŋgɔm lé kuree əw waga ba.

Gosota-Kəmkàrje 13:2

Gə goo ta gə́ teḛ təa’g lé Dəw iŋga ne né gə́ maji, Nɛ né gə́ majikojije el ndiŋga lé To néra gə́ kərm-kərm.

Gosota-Kəmkàrje 19:5

Njegaŋgta lé a lal kar bo̰ né rəa ɔs təa’g el ləm, Yeḛ gə́ njepa taŋgɔmje lé a teḛ ta’g el ləm tɔ.

Gosota-Kəmkàrje 22:8

Yeḛ gə́ dubu néra gə́ kori-kori ndá a kinja némeeko̰, Siŋgamoŋ meekḭ jugugu ləa a tel to né gə́ kari ba.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 17:11

Loo gə́ seḭ ma̰a deeje lé ndá Seḭ ulaje ŋgalaŋ siŋ-siŋ keneŋ ləm, Teḛ gə ndɔ ndá Né gə́ seḭ manje lé pudu bən ləm tɔ. Nɛ ka̰dee godo mee ndəa gə́ kəm kiŋga rɔlel keneŋ lé ya Ndá to némeeko̰ gə́ kuma̰ gə́ wɔji dəa godo.

Ojee 4:2

Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Ojee 7:3

Gə goo némeeyèrje lə dee lé Deḛ su ne kəm mbai d’ar rəa lelee ne ləm, Gə goo taŋgɔmje lə dee lé Deḛ su ne kəm ŋgan-mbaije lə dee D’ar rɔ dee lel dee ne ləm tɔ.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

1 Samel 24:14

Gosɔta lə njé gə́ ləw pana: Néra gə́ majel ḭ rɔ njéra némajelje’g. Togə́bè ɓa m’a kun jim kɔrɔ ne rɔi el.