Ojee 1:6 - Maktub gə́ To gə Kəmee

⁶ Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Ojee 1:6 ပူးပေါင်းရင်းမြစ်များ

2 Mbaije 17:20

Deḛ lai gə́ to ginkoji Israɛlje lé Njesigənea̰ uba dee ya̰ dee, yeḛ ar dee d’ula dɔ dee ləm, yeḛ ya̰ dee ji njébusu deeje’g ləma, né gə́ rudu lé yeḛ tuba dee nea̰’g ɔm dee əw ləm tɔ.

2 Mbaije 17:6

Loo gə́ ləb ko̰ɓee lə Ojee as jinaikara ndá mbai gə́ Asiri taa ɓee gə́ Samari, tɔɓəi yeḛ wa Israɛlje ɓər aw sə dee Asiri. Yeḛ ar dee d’isi Halah ləm, gə mbɔr Habor, baa gə́ Gosan’g ləma, gə mee ɓee-booje’g lə Medəje ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Ojee 1:8

Loo gə́ Gomer ɔg Lo-Ruhama mbà mba̰ ndá Gomer tel taa kèm ndá oji ŋgon gə́ diŋgam ya ɓəi.

Ojee 2:23

Njesigənea̰ pa togə́bè pana: Mee ndəa’g neelé m’a to Ala gə́ njekoo ta kila’g, M’a koo ndukwɔi lə dara ndá Dara a koo ndukwɔi lə naŋg nee tɔ,

Ojee 2:4

Njesigənea̰ pana: Maji kar sí no̰je ilaje ne ta dɔ ko̰ síje’g Mbata yeḛ to dené lə neḛ el ŋga ləm, Neḛ kara n’to ŋgabeeje el ŋga ləm tɔ! Maji karee tuji ndaji néra kaiya-dené gə́ to kəmee’g ləm, Gə tuji ndaji némɔdkaiyaje gə́ Karee’g lé ləm tɔ.

Amɔs 7:8

Njesigənea̰ dəjim pana: Amɔs, see ɗi ɓa i oo wa. Ma m’ilá’g m’pana: To kúla-kwɔji-né. Mbaidɔmbaije pana: N’a kila kúla-kwɔji-né dan dəwje’g lə neḛ gə́ Israɛl ndá n’a kar mee neḛ oso lemsé dɔ dee’g el ŋga.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.