Njekillamber 9:7 - Maktub gə́ To gə Kəmee

⁷ Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Njekillamber 9:7 ပူးပေါင်းရင်းမြစ်များ

Gḭ-Néje 12:19

See gə mba ɗi ɓa i pa pana: Yeḛ to kɔnani ɓa am ma m’təa ne gə́ dené ləm lé wa. Ɓasinè aa oo dené ləi ya aa’n, wá gə́ rɔi’g ndá ɔd aw loo ləi ŋga!

1 Mbaije 8:66

Ndɔ gə́ njekɔm’g jinaijoo ndá yeḛ ya̰ koso-dəwje ar dee d’aw. Tɔɓəi deḛ tɔr ndu dee dɔ mbai’g lé bèe ɓa deḛ d’ɔd d’aw mee kəi-kubuje’g lə dee gə rɔlel, gə meendakaḭ mbata némeemajije lai gə́ Njesigənea̰ ra gə kura ləa gə́ Dabid, kura ləa gə koso-dəwje ləa gə́ Israɛl lé tɔ.

Njekillamber 10:19

Dəw lé ra muru-gad gə mba ndam ne ləm, mán-nduú aree al rəa ləma, lar ɓa to nékwa dɔ gɔl néje lai ləm tɔ.

Njekillamber 11:8

Bèe ndá ɓó lé dəw kára si kəmba ləbje bula ndá maji karee al rəa mee ləbje gə́ bula’g lai neelé. Nɛ maji karee ə̰ji dɔ ndɔje gə́ loondul a dəb dɔ dee’d gə́ d’a gə bula lé tɔ, néje lai gə́ d’a gə ree lé to néje gə́ gə mḭdé ba ya.

Njekillamber 5:18

Tɔɓəi nana ɓa Ala aree nébaoje Gə némajije ləm, Gə yeḛ gər loo sɔ né ləm, Gər loo-kiŋga-né gə́ wɔji dəa ləma, Al ne rəa dan kula’g ləa ləm tɔ ndá To nénoji gə́ Ala ɓa aree ya.

Njekillamber 7:14

Mee ndɔ si dan maji’g lé Arje rɔ sí lel sí ləm, Mee ndɔ si dan meeko̰’g lé kara Ǝ̰jije ta meḛ sí’g ləm tɔ. Ala nja ɓa gə́ njera dee joo bɔr Gə mba kar dəw gər ne né Gə́ a gə teḛ dəa’g gogo lé el.

Njekillamber 8:15

Bèe ɓa ma m’ra ne rɔlel Mbata si maji lə dəw dɔ naŋg nee lé To sɔ né gə kai né gə ra rɔlel ya ba. Yee neelé ɓa gə́ né Gə́ deḛ səa d’a kaw na̰’d loo kula’g ləa Mee ndɔje lai Gə́ Ala aree si ne kəmba dɔ naŋg nee lé.

Bula lə Israɛlje 6:20

Njekinjanéməs lé a kula dee gə́ yo gə́ nee no̰ Njesigənea̰’g, to né gə́ to gə kəmee doi gə́ to ka̰ njekinjanéməs ya doŋgɔ, na̰’d gə gogəro kaaree gə́ ula ləm, gə kɔbee gə́ un gə́ tar gə́ nétɔji ləm tɔ. Ɓa gée gə́ gogo ndá njḛdukun najirea lé a kaskəm kai mán-nduú gə́ mḭ lé ɓəi.

Mark 7:29

Yen ŋga Jeju ulá pana: Ɔd aw mbata tapai lé ar ndil gə́ yèr unda ne loo mee ŋgoni gə́ dené’g teḛ mba̰ ya.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Tagə́maji gə́ Ja̰ ndang 4:50

Jeju ilá keneŋ pana: Maji kari ɔd aw, ŋgoni lé aji mba̰. Dəw neelé ɔm mée dɔ ta gə́ Jeju ulá’g lé tɔ ndá ɔd aw ya.

Néra Njékaḭkulaje 10:35

Nɛ gə ginkoji dəwje gə raŋg lé nana ɓa gə́ ɓəlee ra ne né gə́ to gə dɔ najee ndá to gə́ njetaakəmee rəgm ya.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Rudu 3:7

Boaj lé loo gə́ sɔ né ləm gə ai né ləm tɔ ndá rəa kara lelee ya tɔ. Yeḛ ɔd aw to naŋg ŋgaŋ koje’g ləa gə́ dɔm dɔ na̰’d lé tɔ. Yen ŋga Rudu ree yo̰roŋ bèe ree un kubu dɔ gɔlee’g ndá rəm to naŋg gə́ gɔlee’g gogo lé ləm tɔ.