Njekillamber 9:6 - Maktub gə́ To gə Kəmee

⁶ Meenoji gə kḛji bəḭ-bəḭ lə dee ləm, Gə kəmkəḭ lə dee ləm tɔ lé tuji mba̰. D’a kiŋga né gə́ wɔji dɔ dee pai bèe Mbuna néje lai gə́ ra dɔ naŋg neelé el ŋga.

Njekillamber 9:6 ပူးပေါင်းရင်းမြစ်များ

Teḛ-Raga 1:8

Nɛ mbai gə́ sigi ɓa un kudu ko̰ɓee gə́ Ejiptə, to yeḛ gər Jisəb kédé el.

Gosota-Kəmkàrje 10:28

Ŋgina né lə njémeekarabasurje to rɔlel, Nɛ meekundayel lə njémeeyèrje a sané pá.

Njekillamber 2:10

Néje lai gə́ kəm ndigi koo lé ma m’ɔgee dɔ’g el ləm, ma m’ɔg rɔm nérɔlel kára kara el ləm tɔ. Mbata kula ramje lai lé am m’ra ne rɔlel, yee ɓa gə́ né kama gə́ m’iŋga ya.

Njekillamber 3:22

Bèe ɓa ma m’oo to gə́ né gə́ maji unda kar dəw al rəa gə né gə́ iŋga loo kula’g ləa lé godo. Yee ɓa gə́ né gə́ wɔji dəa, mbata see na̰ ɓa a karee oo né gə́ a gə ree gée’g lé ɓəi wa.

Njekillamber 6:12

Mbata see na̰ ɓa gər né gə́ maji mbata lə dəw Loo gə́ yeḛ si ne kəmba ləm, Gə mee ndɔje bula gə́ yeḛ si ne kəmba Gə́ dəs to gə́ ndil kag bèe ləm tɔ lé wa. Esé see na̰ ɓa askəm kula dəw Né gə́ a gə ree gée’g dɔ naŋg neelé wa.

Njekillamber 9:1

Ma m’ə̰ji ta néje neelé lai məəm’g yaa̰ ləm, M’saŋg gin dee ləm tɔ ndá Ma m’oo to gə́ njéra nédanaje Gə njékəmkàrje gə kulaje lə dee To meḛ ji Ala’g lé ləm, Meenoji gə kḛji bəḭ-bəḭ kara To meḛ jia’g ləm tɔ. Nɛ dəwje ɓa gər né el, Néje lai teḛ dɔ dəwje’g lai ya.

Esai 38:11

Ma m’pana: M’a koo Njesigənea̰ Mee ɓee’g lə njé gə́ d’isi kəmba lé el ŋga ləm, M’a tel koo dəw kára kara Mbuna deḛ gə́ d’isi dɔ naŋg neelé el ŋga ləm tɔ.

Matiyo 2:20

Maji kari uba naŋg ḭta, un ŋgonkas gə kea̰je lé tel aw sə dee ɓeeko̰ gə́ Israɛl, mbata deḛ gə́ ndigi kar ŋgonkas neelé udu lé d’wəi mba̰ ya.