Njekillamber 9:3 - Maktub gə́ To gə Kəmee

³ Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Njekillamber 9:3 ပူးပေါင်းရင်းမြစ်များ

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Maktub gə́ wɔji dɔ Jɔb 15:16

Nɛ ɓəd ɓa dəw gə́ mina̰ jɔmri-jɔmri gə́ to kḛji ləm, Gə dəw gə́ ai néra kori-kori to gə́ mán bèe ləm tɔ wa.

Maktub gə́ wɔji dɔ Jɔb 21:26

Deḛ joo bɔr to babur’g ləm, Deḛ joo bɔr tel to nésɔ lə kɔrèje ləm tɔ.

Maktub gə́ wɔji dɔ Jɔb 9:22

Néje lai asəna. Yee ɓa m’pa ne m’pana: Dəw gə́ ta wa dəa el lé yeḛ tujee to gə́ tuji ne dəw gə́ ta wa dəa bèe ya tɔ.

Pakɔsje 51:5

Mbata kəm inja dɔ kaltaje’g ləm ləm, Kaiya ləm kara taree to nɔm’g ta-ta ləm tɔ.

Pakɔsje 64:7

Deḛ la̰ji tor néra gə́ majel meḛ dee’g pana: Aa oo, n’waje dɔ gɔl rɔ neḛje mba̰ N’wɔjije né gə́ n’a gə raje ya! Takə̰ji gə́ meḛ dee gə́ kəi kɔrɔg lé Gə mee nana kara uru asəna gə bwa-wəl gə́ suna godo bèe.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Njekillamber 1:17

Ma m’wɔji məəm’g njaŋg gə mba gər kəmkàr ləm, gə néra mbə ləma, gə néra dəw gə́ ar dəa tel wagəsa ləm tɔ. Ndá ma m’oo to gə́ yee neelé kara to gə́ ŋgwɔd gə́ kaḭ goo lel’g ba ya tɔɓəi.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Njekillamber 2:14

Njekəmkàr lé oo loo-kabee gao nɛ mbə-dəw lé njaa dan loondul’g. Nɛ ma m’gər to gə́ deḛ joo bɔr lé né gə́ wɔji dɔ dee to gə́ kára ba ya.

Njekillamber 7:2

Kaw kəi-kwa-ndòo-yoo’g lé Maji unda kaw kəi-muru-gad’g. Mbata lé neelé to gə́ rudu ndɔ lə dəwje lai ləm, Yeḛ gə́ si lée’g kara A kḛji ne ta dɔ néje’g neelé ləm tɔ.

Njekillamber 7:25

Ma m’wɔji məəm njaŋg gə mba gər ləm, Gə mba kə̰d gelee ləma, gə mba saŋg kəmkàr Gə mba gər gin néje neelé ləm tɔ Tɔɓəi mba gər mbə lə meeyèr ləm, Gə mbə lə dɔ tel wagəsa ləm tɔ.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Njekillamber 9:2

Néje lai to no̰ dee’g ɓəi. Né gə́ teḛ dɔ njera nédana’g To kára ba asəna gə né gə́ teḛ dɔ njemeeyèr’g ləm, Dɔ dəw gə́ maji gə́ ra né gə́ àr ŋgad-ŋgad lé To kára ba asəna gə né gə́ teḛ dɔ dəw gə́ rəa mina̰’g ləm tɔ. Né gə́ teḛ dɔ dəw gə́ inja nékinjaməs’g To kára ba asəna gə né gə́ teḛ dɔ dəw gə́ inja nékinjaməs el ləm, Dəw gə́ maji lé né teḛ dəa’g To gə́ teḛ dɔ njekaiya’g bèe ləma, Yeḛ gə́ ubu rəa lé né teḛ dəa’g To gə́ teḛ dɔ yeḛ gə́ ɓəl kubu rəa lé ləm tɔ.

Njekillamber 9:4

Meekundayel to keneŋ Mbata lə deḛ lai gə́ d’isi kəmba lé Mbata bisi gə́ aw kəmba lé Maji unda toboḭ gə́ wəi ya.

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Lugu 15:17

Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 6:11

Oŋg ti meḛ dee paŋ-paŋ ar dee maḭ na̰ ta dɔ né gə́ d’a ra gə Jeju lé ŋga.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Néra Njékaḭkulaje 26:11

Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ.

Néra Njékaḭkulaje 26:24

To gə́ yeḛ aar pata bèe-bèe gə mba taa ne rəa lé ndá Pestus pata wəl pana: Pool, kɔr oso dɔi’g! Boo-négərje ləi ɔm kɔr dɔi’g ya.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

2 Piɛrə 2:16

Nɛ Ala ndaŋg Balaam dɔ kalta’g ləa, ar ko̰-mulayḛ̀je gə́ təa mundu lé ulá ta gə ndu gwɔs dəw, ɔg njetegginta neelé dɔ néra mbə’g ləa.