Njekillamber 8:4 - Maktub gə́ To gə Kəmee

⁴ Mbata tapa lə mbai lé To gə́ ta siŋgamoŋ ya. See na̰ ɓa askəm dəjee pana: See ɗi ɓa i aw ra bèe wa.

Njekillamber 8:4 ပူးပေါင်းရင်းမြစ်များ

2 Samel 24:4

Nɛ mbai lé aar njaŋg dɔ ndukun’g ləa gə́ yeḛ un ar Joab ləm gə ɓé-njérɔje ləa ləm tɔ. Bèe ɓa Joab gə ɓé-njérɔje lé d’ḭ rɔ mbai’g gə mba kaw tura bula lə koso-dəwje gə́ Israɛl lé.

1 Mbaije 1:30

Togə́bè ɓa ma man rɔm m’ari gə ri Njesigənea̰, Ala lə Israɛlje m’pana: Salomo̰, ŋgoni ɓa a si dɔ kalimbai’g mba ko̰ ne ɓee torm’g, yee ɓa m’a ra togə́bè ɓogənè tɔ.

1 Mbaije 2:25

Togə́bè ɓa mbai Salomo̰ ula Benaja, ŋgolə Jeojoda lé aree unda Adonija tɔlee tɔ.

1 Mbaije 2:46

Yen ŋga mbai un ndia ar Benaja, ŋgolə Jeojoda ndá yeḛ teḛ aw kunda Simei tɔlee. Togə́bè ɓa ɓeeko̰ lé to ne njaŋg ji Salomo̰’g tɔ.

Esdras 6:13

Yen ŋga Tatnai, njeguburuɓee gə́ kel tura-baa gə́ nu ləm, gə Setar-Bosnai ləma, gə kuramar deeje ləm tɔ lé d’ḭ kalaŋ d’aw ra né gə goo ndukun neelé gə́ mbai Darius un ar dee lé.

Maktub gə́ wɔji dɔ Jɔb 9:12

Ɓó lé yeḛ wa né ndá see na̰ a kɔgee dɔ’g wa. Na ɓa a dəjee pana: See ɗi ɓa aw ra bèe ɓəi wa.

Teḛ-Raga 1:18

Mbai gə́ njeko̰ɓee lé ula kula ɓar njétaa-ndóoje neelé ar dee ree rəa’g ndá dəji dee pana: See gelee ban ɓa seḭ raje né gə́ togə́bè ya̰je ne ŋganje gə́ diŋgam ar deeje d’isi ne kəmba wa.

Gosota-Kəmkàrje 19:12

Oŋg lə mbai lé to asəna gə ndu kinja miḭ lə toboḭ bèe ləm, Koo kəmtondoo ləa lé to asəna gə mán-tàl gə́ wa dɔ mu’g bèe ləm tɔ.

Gosota-Kəmkàrje 20:2

Meekḭ pu lə mbai lé to asəna gə ndu kinja miḭ lə toboḭ bèe, Yeḛ gə́ ar mee mbai ḭ pu dəa’g lé ila tuji dɔ rəa-yeḛ’g ya.

Gosota-Kəmkàrje 30:31

Kunda gə́ d’ɔm né rəa’d gə́ gər tila ji riŋga ləm, Esé bàl bya̰ ləma, gə mbai gə́ aar no̰ njérɔje’g ləa bèe ləm tɔ.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.