Njekillamber 8:3 - Maktub gə́ To gə Kəmee

³ Ndəbje-ndəb kḭ nea̰’g kaw el ləm, Aarje njaŋg dɔ néra gə́ majel’g el ləm tɔ. Mbata yeḛ lé askəm ra néje lai to gə́ mée ndigi,

Njekillamber 8:3 ပူးပေါင်းရင်းမြစ်များ

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

Gosota-Kəmkàrje 14:29

Yeḛ gə́ ar oŋg ḭ səa kalaŋ-kalaŋ el lé To bao-gosonégər, Nɛ yeḛ gə́ ar oŋg ḭ səa kalaŋ-kalaŋ lé Riba dɔ néra mbə ləa gə́ raga.

Gosota-Kəmkàrje 24:21

Ŋgonəm, maji kari ɓəl Njesigənea̰ ləm, gə mbai lé ləm tɔ, Maji kari ɔm na̰’d gə dəwje gə́ njétula né na̰’dje el,

Gosota-Kəmkàrje 30:31

Kunda gə́ d’ɔm né rəa’d gə́ gər tila ji riŋga ləm, Esé bàl bya̰ ləma, gə mbai gə́ aar no̰ njérɔje’g ləa bèe ləm tɔ.

Njekillamber 10:4

Ɓó lé oŋg lə mbai ḭ səa pu dɔi’g ndá ya̰ loo-sii el mbata si lɔm lé ɓa gə́ kuma̰ dum dɔ boo-néje gə́ to lée’g el lé.

Esai 48:4

Mbata ma m’gər gao, Seḭ toje njédɔkədərəje ləm, Gwɔb sí to gə́ kag-lar ləma, Ŋgono̰ sí to gə́ larkas ləm tɔ.

Loo gə́ killa rea kəm Daniel’g 5:19

To gə́ yeḛ aree to dəw gə́ boo lé ɓa koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ lé deḛ ɓəlee d’unda ne bala tigi-tigi nea̰’g ya. Deḛ gə́ mbai ndigi kar dee d’wəi ndá yeḛ ar dee d’wəi ya ləm, deḛ gə́ yeḛ ndigi kar dee d’isi kəmba kara yeḛ ya̰ loo ar dee d’isi kəmba ya ləm tɔ. Deḛ gə́ yeḛ ndigi kunda dee daŋdɔ lé yeḛ unda dee daŋdɔ ləm, deḛ gə́ yeḛ ndigi kunda dee naŋg kara yeḛ unda dee naŋg ya ləm tɔ.