Njekillamber 8:12 - Maktub gə́ To gə Kəmee

¹² Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Njekillamber 8:12 ပူးပေါင်းရင်းမြစ်များ

Pakɔsje 37:11

Deḛ gə́ d’aw yururu lé D’a kiŋga dɔ naŋg nee gə́ nékwanduba lə dee ləm, D’a kal ne rɔ dee dan meelɔm’g ləm tɔ.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

Njekillamber 7:15

Néje nee lai gə́ ma m’oo Mee ndɔje’g ləm gə́ gə mḭdé ba lé ɓa nee: Dəw gə́ njera nédanasur Wəi dan néra gə́ danasur’g ləa ləm, Dəw gə́ njemeeyèr Si gə ləbee-ləbee dan meeyèr’g ləa ləm tɔ.

Njekillamber 3:14

Ma m’gər gao néje lai gə́ Ala ra dee lé d’a to saar gə no̰ ya, né kára gə́ gə mba kila dɔ’g godo ləm, né kára gə́ gə mba kɔr keneŋ godo ləm tɔ. Bèe ɓa Ala ra togə́bè gə mba kar dəwje d’oso ne kul nea̰’g ya.

Njé gə́ Rɔmə 9:22

Ɓó lé Ala ndigi tɔji oŋg ləa gə kar dee gər ne siŋgamoŋ ləa lé ɓa yeḛ ila ne mée dɔ bai-oŋg’d ləa dɔ joje gə́ tuji wɔji dee lé

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Njekillamber 7:18

To maji kar sí waje ta gə́ kára neelé kɔgərɔ Lal kya̰ goo yee gə́ kára neelé yɔgɔ tɔ. Mbata yeḛ gə́ ɓəl Ala ndá A teḛ ta néje’g neelé lai ya.

Njekillamber 5:16

Né gə́ majel gə́ raŋg ya ɓəi, Ndɔje ləa lai gə́ yeḛ si ne kəmba lé Yeḛ a sɔ né dan loondul’g ləm, Némeeko̰je gə némajelje Gə néo̰gje rəa yaa̰ ləm tɔ.

Gosota-Kəmkàrje 13:21

Némeeko̰ ndolè goo deḛ gə́ ra kaiya, Nɛ némeemaji to nékoga-dɔ-ji njémeekarabasurje.

Pakɔsje 115:13

Yeḛ a tɔr ndia dɔ deḛ gə́ ɓəl Njesigənea̰’g ya, Dəwje gə́ gɔ-gɔ gə́ njé gə́ boo-boo kara ləm tɔ.

Pakɔsje 112:1

Pidije Njesigənea̰. Dəw gə́ ɓəl Njesigənea̰ Ra torndia gə meendakaḭ ndá si gə rɔlel.

Pakɔsje 96:9

Undaje ne barmba no̰ Njesigənea̰’g Dan néje ləa gə́ bə̰dərə bə̰ gə́ to gə́ kəmee doi lé Ndəbje ne pəd-pəd nea̰’g, Seḭje lai gə́ síje dɔ naŋg neelé.

1 Sôrta Gḭka-Israɛlje 16:30

Seḭ lai gə́ síje dɔ naŋg neelé Ndəbje péd-péd nea̰’g, Naŋg neelé gelee kiriŋ kiriŋ-kiriŋ ɓó yə el to!

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

Tel tura Godndu 12:25

Seḭ a sɔje el, bèe ɓa rɔ sí a lel sí ne, seḭ ləm gə ŋgan síje gə́ goo sí’g ləm tɔ, loo gə́ seḭ a raje né gə́ danasur kəm Njesigənea̰’g lé ya.

Teḛ-Raga 1:20

Ala ra meemaji gə njétaa-ndóoje neelé, tɔɓəi Israɛlje lé d’oji na̰ gə́ kédé-kédé tel bula ne digi-digi tɔ.

Tel tura Godndu 4:40

Maji kar sí aaje dɔ godndiaje gə ndukunje ləa gə́ m’tɔji sí ɓogənè mba kar sí síje ne dan rɔlel’g, seḭ gə ŋgan síje gə́ goo sí’g ləm, mba kar ndɔje lə sí d’ḭ ne dɔ maree’g mee ɓee gə́ Ala lə sí gə́ Njesigənea̰ ar sí ləm tɔ.

Tel tura Godndu 12:28

Maji kar sí ooje ta néje neelé lai gə́ m’un ndum dɔ’g m’ar sí ləm, maji mba kar sí raje née ləm tɔ, yee ɓa seḭ a kiŋgaje ne rɔlel, seḭ ləm gə ŋgan síje gə́ goo sí’g ləm tɔ saar-saar gə no̰ loo gə́ seḭ raje ne né gə́ maji gə né gə́ taa kəm Ala lə sí gə́ Njesigənea̰ rəgm lé.

Pakɔsje 128:2

Bèe ɓa i iŋga rɔlel dɔ kula’d gə́ i ra gə jii ləm, Rɔi leli ari si ne dan maji’g ləm tɔ.

Njekillamber 5:7

Ɓó lé i oo njendoo gə́ d’ula kəmee ndòo Mee dəb ɓeeko̰’g ləm, Gə buguree dɔ néra gə́ gə goo rəbee’g Gə néra gə́ gə dɔ najee’g ləm tɔ ndá Ar kaari wai paḭ gə mbəa el. Mbata dəw gə́ d’unee d’unda dɔ maree’g lé Dəw gə́ ur dəa-yeḛ’g nja yeḛ si gelee’g ləm, Yeḛ gə́ ur dɔ dee’g joo bɔr kara Si gən ɓəi ləm tɔ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Maktub gə́ wɔji dɔ Jɔb 35:15

Nɛ lé oŋg ləa ree el ɓəi kara To mbata yeḛ ndigi néra gə́ kərm-kərm gə́ bèe lé el ya saar.

Gosota-Kəmkàrje 28:14

Rɔlel nai gə dəw gə́ si gə ɓəl mée’g, Nɛ yeḛ gə́ ar mée kədərə ndá a koso dan némajel’g.

Jeremi 44:10

Saar ɓogənè lé deḛ d’ula dɔ dee el ləm, deḛ ɓəl el ləma, deḛ ra godndum gə torndum gə́ m’unda no̰ sí’g gə no̰ bɔ síje-je’g lé el ləm tɔ.