Njekillamber 8:1 - Maktub gə́ To gə Kəmee

¹ See na̰ ɓa to tana gə njekəmkàr Gə njegər kɔr gin néje wa. Kəmkàr lə dəw lé Ar kəmee ndɔḭ ne wər-wər ləm, Ar kəmee gə́ kas ŋgɔgərɔ lé Tel to ne ɓəd ləm tɔ.

Njekillamber 8:1 ပူးပေါင်းရင်းမြစ်များ

Gḭ-Néje 40:8

Deḛ d’ilá keneŋ pana: Jeḛ nije nɛ j’oo dəw kára mba karee ɔr ginee ar sí el. Yen ŋga Jisəb ula dee pana: Kəmkàr mba kɔr gin ni lé see ḭ rɔ Ala’g lé el wa. Ɔrje sor ni lé amje m’oo.

Maktub gə́ wɔji dɔ Jɔb 33:23

Nɛ ɓó lé yeḛ iŋga kura gə́ dara kára gə́ njéra rəwta ləa Yeḛ gə́ kára mbuna deḛ gə́ tɔl dɔg’d (1.000) lé ɓa Gə́ to njekula dəw rəw gə́ kəm karee njaa keneŋ ndá

Teḛ-Raga 34:35

Israɛlje lé d’aa kəm Moyis d’oo ndá, deḛ d’oo to gə́ kəmee lé ndogó jol-jol, bèe ɓa Moyis wa kubu lé tel ɔn ne kəmee gogo saar yeḛ tel aw ne mba kwɔji ne ta gə Njesigənea̰ gogo ɓəi.

Gosota-Kəmkàrje 1:6

Gə mba gər gin gosota-kəmkàrje lé Esé nénaa gə́ to loo-kiya’g ləm, Gə tapa njékəmkàrje ləma, Gə taje lə dee gə́ to loo kiya’g ləm tɔ.

Gosota-Kəmkàrje 12:8

Dəw lé iŋga pidi gə goo gosonégər ləa, Nɛ dəw gə́ mée aw kori-kori lé tel to nékunda kḭdi.

Gosota-Kəmkàrje 17:24

Kəmkàr lé to no̰ njegosonégər’g njoroŋ, Nɛ mbə-dəw lé kəmee to mbə̰ dɔ néje gə́ rudu naŋg’d.

Gosota-Kəmkàrje 21:29

Njemeeyèr lé to njekula kəmee na̰’d sir-sir, Nɛ dəw gə́ njera nédana lé aar njaŋg dɔ rəw-kabee’g.

Gosota-Kəmkàrje 24:5

Njekəmkàr lé siŋgá to kɔgərɔ-kɔgərɔ ləm, Yeḛ gə́ njenégər lé ar siŋgamoŋ ləa to ne njaŋg ləm tɔ.

Loo gə́ killa rea kəm Daniel’g 2:22

Ta gə́ ginee uru yaa̰ gə né gə́ to loo-kiya’g lé Yeḛ riba dəa gə́ raga ləm, Yeḛ gər né gə́ loondul dəb dɔ’g ləma, Lookàr to rəa’g ləm tɔ.

Loo gə́ killa rea kəm Daniel’g 2:47

Mbai lé un ta ula Daniel pana: Tɔgərɔ ya, Ala lə sí to magə gə́ ur dɔ magəje lai ləm, yeḛ to Mbai gə́ ur dɔ mbaije ləm tɔ. Yeḛ to njeriba dɔ néje gə́ to loo-kiya’g mbata i nja ɓa riba dɔ né gə́ to loo-kiya’g neelé gə́ raga.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 4:29

Ɓasinè lé Mbaidɔmbaije, aa oo, loo kɔg gə́ d’ɔg sí rədədə lé ndá ar kuraje ləi d’ɔr ta ləi gə kəm ŋgon diŋgam ya ləm,

Néra Njékaḭkulaje 6:15

Dəwje lai gə́ d’isi loo-gaŋg-rəwta’g lə Jibje lé loo gə́ d’orè kəm dee dɔ Etien’g sḭ ndá d’oo kəmee to jəgəgə to gə́ ka̰ dəw gə́ dara bèe.

Njé gə́ Rɔmə 13:5

Bèe ndá koso kul nea̰’g ɓa to né gə́ kəm ra, seḭ a raje togə́bè mbata meḛ sí gə́ ula sí ɓa ɓó seḭ a ɓəlje gə mba bo̰ néra sí gə́ a kɔs ta sí’g lé el.

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

Tel tura Godndu 28:50

deḛ to gə́ ginkoji dəwje gə́ kəm dee to gəsəsə ləm, deḛ təd kag ɓugaje el ləm, gə d’oo kəmtondoo lə ŋganje el ləm tɔ.

2 Timote 4:17

Mbaidɔmbaije nja la səm ləm, yeḛ to dərgelm ləm tɔ mba kar tagə́maji lé ɓar ne mḭ tam’g ləm, mba kar njépole-magəje lai d’oo taree ləm tɔ. Yeḛ am m’wa dɔm ta toboḭ’g m’bɔr.

2 Piɛrə 1:20

Taje lai neelé maji kar ta gə́ neelé oreeje kəm sí dɔ’g ndəŋ ya, torndu Ala gə́ njéteggintaje ləa ndaŋg mee maktub’g lé dəw kára kara askəm kɔr ginee gə dɔrea el,