Njekillamber 7:3 - Maktub gə́ To gə Kəmee

³ Si gə meeko̰ maji unda kogo. Mbata si dan kəmtondoo’g lé A kar rɔ dəw lelee ɓəi.

Njekillamber 7:3 ပူးပေါင်းရင်းမြစ်များ

Pakɔsje 119:67

Loo gə́ d’am m’oso kul el ɓəi ndá M’ndəm rəw ya, Nɛ ɓasinè lé m’orè kəm sḭ dɔ ta’g ləi.

Pakɔsje 119:71

Kula gə́ d’ula kəm ndòo lé tel to maji dɔm’g Gə mba karm m’ndoo ne godnduije ya.

Njekillamber 2:2

Ma m’pata m’wɔji ne dɔ kogo m’pana: To némbə! Tɔɓəi m’pata m’wɔji ne dɔ rɔlel m’pana: See ɗi ɓa gə́ majee wa.

Njekillamber 7:4

Mee njékəmkàrje lé To gə́ dɔ kəi-kwa-ndòo-yoo’g, Nɛ meḛ mbə-dəwje lé To gə́ dɔ kəi-ra-rɔlel’g ɓa ləm tɔ.

Loo gə́ killa rea kəm Daniel’g 10:19

Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Lugu 6:21

Seḭ gə́ ɓó tɔl sí ɓasinè lé Rɔ sí lel sí mbata meḛ sí a ndan tub-tub ɓəi! Seḭ gə́ no̰je jəm-jəm ɓasinè lé Rɔ sí lel sí mbata seḭ a ndubaje rɔ sí raŋg-raŋg ɓəi to!

Lugu 6:25

Seḭ gə́ meḛ sí ndan tub-tub lé meeko̰ a koso dɔ sí’g Mbata seḭ a kwəije yoo-ɓoo ɓəi. Seḭ gə́ síje gə ŋgaŋ-kogo ɓasinè lé meeko̰ a koso dɔ sí’g Mbata seḭ a kwaje ndòo rɔ sí loo-yoo’g ləm, A sije dan mán-no̰’g ɓəi ləm tɔ.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.