Njekillamber 7:2 - Maktub gə́ To gə Kəmee

² Kaw kəi-kwa-ndòo-yoo’g lé Maji unda kaw kəi-muru-gad’g. Mbata lé neelé to gə́ rudu ndɔ lə dəwje lai ləm, Yeḛ gə́ si lée’g kara A kḛji ne ta dɔ néje’g neelé ləm tɔ.

Njekillamber 7:2 ပူးပေါင်းရင်းမြစ်များ

Pakɔsje 90:12

Maji kari ndoo sí gə mba kar sí n’gərje loo tura ndɔje lə sí, Yen ɓa j’a kwa ne meḛ sí kɔgərɔ Gə mba ndoo ne kəmkàr gə́ doŋgɔ.

Njekillamber 2:14

Njekəmkàr lé oo loo-kabee gao nɛ mbə-dəw lé njaa dan loondul’g. Nɛ ma m’gər to gə́ deḛ joo bɔr lé né gə́ wɔji dɔ dee to gə́ kára ba ya.

Njekillamber 2:16

Mbata njekəmkàr lé meḛ dəwje a kolé dəa’g saar-saar karee ur dɔ mbə-dəw’g el, mbata mee ndɔje gə́ d’a gə korè gée lé meḛ dəwje a kwəi dɔ néje’g lai. Ɗi ɓa togə́bè wa. Njekəmkàr kara wəi to gə́ mbə-dəw bèe ya tɔ.

Njekillamber 3:19

Mbata né gə́ wɔji dɔ dəw gə né gə́ wɔji dɔ da to asəna kára ba, to gə́ yeḛ gə́ kára wəi ndá yeḛ gə́ raŋg kara wəi bèe ya tɔ, deḛ joo bɔr ndá kur gə́ dəw ur dɔ da’g lé to né el, mbata néje lai to néje gə́ gə mḭdé ba ya.

Njekillamber 3:20

Deḛ lai d’aw gə́ loo gə́ kára ba’g ya, deḛ lai lé nduji naŋg ɓa ra dee ne ndá d’a tel to nduji naŋg ya gogo tɔ.

Njekillamber 6:6

Lé yeḛ neelé si kəmba Ləbee tɔl-dɔg-loo-joo (2.000) kara Yeḛ a si dan maji’g el tɔ, See néje lai neelé D’aw gə́ loo gə́ kára ba kiao’g el wa.

Njekillamber 9:2

Néje lai to no̰ dee’g ɓəi. Né gə́ teḛ dɔ njera nédana’g To kára ba asəna gə né gə́ teḛ dɔ njemeeyèr’g ləm, Dɔ dəw gə́ maji gə́ ra né gə́ àr ŋgad-ŋgad lé To kára ba asəna gə né gə́ teḛ dɔ dəw gə́ rəa mina̰’g ləm tɔ. Né gə́ teḛ dɔ dəw gə́ inja nékinjaməs’g To kára ba asəna gə né gə́ teḛ dɔ dəw gə́ inja nékinjaməs el ləm, Dəw gə́ maji lé né teḛ dəa’g To gə́ teḛ dɔ njekaiya’g bèe ləma, Yeḛ gə́ ubu rəa lé né teḛ dəa’g To gə́ teḛ dɔ yeḛ gə́ ɓəl kubu rəa lé ləm tɔ.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Njekillamber 9:5

Tɔgərɔ ya, deḛ lai gə́ d’isi kəmba lé Gər gao to gə́ d’a gə kwəi ya. Nɛ deḛ gə́ d’wəi mba̰ lé Gər né kára el ləm, Nékoga-dɔ-ji dee kara godo ŋga ləm tɔ Mbata meḛ dəwje wəi dɔ dee’g mba̰.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Jeremi 16:8

Andə mee kəi-ra-naḭ’g kara gə mba si sə dee gə mba sɔ gə kai sə dee el tɔ.

Ajee 1:5

Ɓasinè Njesigənea̰ gə́ njeboo-néje pa togə́bè pana: Maji kar sí sije gèŋ ə̰jije ta dɔ néje gə́ sí ra sí lé ooje.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Bula lə Israɛlje 23:10

See na̰ ɓa askəm tura babur lə Jakob Esé a tura ges Israɛlje gə́ kudu kára nɛ nai kudu munda ɓəi wa. Maji kam m’wəi yoo lə njémeekarabasurje ləm, Maji kar rudu ndɔje ləm tɔ asəna gə ka̰ dee-deḛ ləm tɔ!

Matiyo 5:4

Deḛ gə́ d’isi dan kəmndooyoo’g lé rɔ dee lel dee, Mbata d’a gɔl meḛ dee ɓəi.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Tel tura Godndu 32:46

Yeḛ ula dee pana: Taje lai gə́ m’a man sí ne ɓogənè lé maji kar sí waje dɔɓəŋgərə sí’g mba ndoo ŋgan síje gə mba kar dee d’aa ne dɔ taje lai gə́ to mee godndu’g neelé mba ra née.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,