Njekillamber 7:18 - Maktub gə́ To gə Kəmee

¹⁸ To maji kar sí waje ta gə́ kára neelé kɔgərɔ Lal kya̰ goo yee gə́ kára neelé yɔgɔ tɔ. Mbata yeḛ gə́ ɓəl Ala ndá A teḛ ta néje’g neelé lai ya.

Njekillamber 7:18 ပူးပေါင်းရင်းမြစ်များ

Gosota-Kəmkàrje 12:21

Némajel kára kara teḛ dɔ njemeekarabasur’g el, Nɛ njémeeyèrje lé némajelje tur dɔ dee’g pubug.

Gosota-Kəmkàrje 8:20

Ma m’njaa rəw néra gə́ gə dɔ najee’g, Dan kila-rəwje’g lə néra gə́ danasur

Njekillamber 11:6

Gə ndɔ rad lé dubu nédubu ləi ləm, ar jii wa rəa kàrkemetag el ləm tɔ. Mbata i gər né gə́ a gə teḛkɔr lé el, yee gə́ yo əsé yee gə́ nee, əsé ɓó lé deḛ joo bɔr maji d’asəna kara i gər el tɔ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Njekillamber 3:14

Ma m’gər gao néje lai gə́ Ala ra dee lé d’a to saar gə no̰ ya, né kára gə́ gə mba kila dɔ’g godo ləm, né kára gə́ gə mba kɔr keneŋ godo ləm tɔ. Bèe ɓa Ala ra togə́bè gə mba kar dəwje d’oso ne kul nea̰’g ya.

Njekillamber 5:7

Ɓó lé i oo njendoo gə́ d’ula kəmee ndòo Mee dəb ɓeeko̰’g ləm, Gə buguree dɔ néra gə́ gə goo rəbee’g Gə néra gə́ gə dɔ najee’g ləm tɔ ndá Ar kaari wai paḭ gə mbəa el. Mbata dəw gə́ d’unee d’unda dɔ maree’g lé Dəw gə́ ur dəa-yeḛ’g nja yeḛ si gelee’g ləm, Yeḛ gə́ ur dɔ dee’g joo bɔr kara Si gən ɓəi ləm tɔ.

Njekillamber 8:12

Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Njekillamber 8:13

Nɛ si dan maji’g lé To mbata lə njemeeyèr el ləm, Ndɔje ləa d’a kḭ dɔ maree’g el To gə́ ndil kag kara kuree əw el bèe ləm To mbata yeḛ ɓəl Ala el.

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Lugu 11:42

Nɛ seḭ Parisiḛje lé meeko̰ a koso dɔ sí’g. Mbata seḭ kaije ta kamnaḭje lə sí gə́ ri dee lə mantə gə ruə gə kamnaḭje gə́ gə ria-ria lé loo dɔg ndá unje təa kára-kára arje Ala, nɛ meekarabasur gə meenoji gə́ ka̰ Ala lé seḭ ubaje ya̰je. Néje neelé ɓa kəm kar sí oreeje kəm sí keneŋ sḭ raje ɓó a lal kya̰ ne néje gə́ raŋg lé el tɔ.