Njekillamber 7:16 - Maktub gə́ To gə Kəmee

¹⁶ Arje né ra sí gə́ gə dɔ najee Al dɔ loo el ləm, Raje rɔ sí gə́ njékəmkàrje gə́ ur dɔ loo el ləm tɔ. See a tujije rɔ sí bèe gə mba ɗi wa.

Njekillamber 7:16 ပူးပေါင်းရင်းမြစ်များ

Gḭ-Néje 3:6

Dené lé oo to gə́ kag lé to maji kəm sɔ ləm, taa kəmee rəgm ləma, to maji kəm kar dee gosɔkəmkàr ləm tɔ ndá yeḛ ti ka̰dee sɔ. Tɔɓəi yeḛ ya̰ ar ŋgabeeje gə́ aar mbɔree’g ndá yeḛ sɔ səa tɔ.

Maktub gə́ wɔji dɔ Jɔb 11:12

Nɛ dəw lé gosonégər ləa gə́ dəa’g to gə́ némbə, Dəw gə́ darɔ’g lé d’ojee asəna gə ŋgon mbur bèe.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Gosota-Kəmkàrje 23:4

Sané siŋgai mba tel to bao el ləm, Ǝw rɔi kḛji ta dɔ’g yaa̰ ləm tɔ.

Gosota-Kəmkàrje 25:16

Ɓó lé i iŋga ubu tə̰ji ndá o̰ aree asi gə́ kas ba ɓa Nà banelə məəi a kɔsi ŋgug kari tɔmé.

Njekillamber 12:12

Ŋgonəm, né gə́ nai lé ɓa nee: Maji kari ndoo rɔi né dɔ néje’g neelé. Ɓó lé dəw ndigi ra maktubje bula ndá yeḛ a kunda ŋgaŋgee el ləm, ndoo né yaa̰ lé ar darɔ dəw dao ne dao-dao ləm tɔ.

Matiyo 23:29

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ raje dɔɓar njéteggintaje bur-bur ləm, dɔɓar njémeekarabasurje kara seḭ ndaŋgje né keneŋ mèr-mèr ləm tɔ.

Matiyo 23:38

Aa ooje, d’a kuba kəi lə sí kya̰ mée wəl kar sí.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Matiyo 9:14

Yen ɓa njekwakila Jasee ree rəa’g dəjee pana: See gə mba ɗi ɓa jeḛ gə Parisiḛje j’ɔg meḛ sí ɓoo nɛ njékwakilaije d’ɔg meḛ dee ɓoo el wa.

Lugu 18:12

Mee ndɔje gə́ siri-siri lé ma m’ɔg məəm ɓó keneŋ as gɔl joo-joo ləm, nékiŋgamje lai lé ma m’kai kəmee loo dɔg ndá m’un yee gə́ kára m’ari-i Ala lé ya ləm tɔ.

Njé gə́ Rɔmə 10:2

Mal kwa Ala meḛ dee’g ra dee ŋgwɔd-ŋgwɔd, yee ɓa ma m’oo ginee gao, nɛ deḛ ra gə kəmkàree el.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 3:20

Tɔɓəi deḛ pa taree loo gə́ raŋg’g pana: Mbaidɔmbaije gər takə̰ji lə njékəmkàrje gao, Oo to gə́ to ta gə́ mḭdé ba.

Njé gə́ Pilibə 3:6

Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

Njé gə́ Kolosə 2:23

Ta ndooje neelé to gir kəmkàr gə́ raga ba mbata deḛ tɔji ne rəw kwa Ala mée’g gə́ dəw ḭ gə mée ra ləm, gə loo koso kul ləma, gə kḛji darɔ bəḭ-bəḭ ləm tɔ nɛ deḛ to néje gə mḭdé ba gə́ d’ar dəw beelé dɔ néra gə́ ka̰ darəa’g lé.

1 Timote 4:3

D’ɔg dəwje loo taa na̰ ləm, nésɔ gə́ Ala ra gə mba kar ŋgankojije gə́ kəm dee inja dɔ kankəmta’g lé d’usɔ rəa ne oiyo lé d’ɔg dee dɔ’g ləm tɔ.

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.