Njekillamber 7:14 - Maktub gə́ To gə Kəmee

¹⁴ Mee ndɔ si dan maji’g lé Arje rɔ sí lel sí ləm, Mee ndɔ si dan meeko̰’g lé kara Ǝ̰jije ta meḛ sí’g ləm tɔ. Ala nja ɓa gə́ njera dee joo bɔr Gə mba kar dəw gər ne né Gə́ a gə teḛ dəa’g gogo lé el.

Njekillamber 7:14 ပူးပေါင်းရင်းမြစ်များ

1 Mbaije 8:47

ɓó lé deḛ nja d’ə̰ji ta meḛ dee’g mee ɓee-ɓər gə́ d’aw sə dee keneŋ ɓa deḛ tel ra ndòo rɔi’g mee ɓee gə́ d’aw sə dee gə́ ɓər keneŋ lé pa ne pana: Jeḛ n’raje kaiya, n’raje néje gə́ majel, jeḛ n’raje néje gə́ to lée’g el

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Pakɔsje 119:71

Kula gə́ d’ula kəm ndòo lé tel to maji dɔm’g Gə mba karm m’ndoo ne godnduije ya.

Pakɔsje 40:3

Yeḛ ɓa ɔrm mee bwa-tuji’g Dan bɔrɔ dubu’g ləm, Yeḛ urm dɔ biri mbal’g tar ndoi ləma, Yeḛ ar gɔlm to njam-njam ləm tɔ.

Njekillamber 10:14

Mbə-dəw lé pa taje gə́ dɔ na̰’d dɔ na̰’d. Dəw lé gər né gə́ a gə ree lé el, ŋga see na̰ ɓa a kulá né gə́ a gə ree gée’g gogo lé ɓəi wa.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Njekillamber 12:8

Njekilamber lé pana: Mḭdé ba, mḭdé ba, néje lai to néje gə́ gə mḭdé ba.

Njekillamber 3:22

Bèe ɓa ma m’oo to gə́ né gə́ maji unda kar dəw al rəa gə né gə́ iŋga loo kula’g ləa lé godo. Yee ɓa gə́ né gə́ wɔji dəa, mbata see na̰ ɓa a karee oo né gə́ a gə ree gée’g lé ɓəi wa.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Njekillamber 5:17

Aa oo, né gə́ ma m’oo ɓa nee: Né gə́ maji mbata lə dəw lé Karee sɔ gə ai ləm, gə ra rɔlel Dɔ némajije lai gə́ yeḛ iŋga Gə kulaje lai gə́ yeḛ ra dɔ naŋg nee Mee ndɔje bula gə́ Ala aree si ne kəmba lé ləm tɔ lé Yee ɓa gə́ né gə́ maji mbata ləa. Mbata yee nee ɓa gə́ nédɔji ləa.

Njekillamber 8:7

Yeḛ gər né gə́ a gə teḛ dəa’g el. See na̰ ɓa a kulá pana: Né neelé a gə teḛ togə́bè wa.

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Jeremi 23:20

Oŋg lə Njesigənea̰ a kwəi bèm el saar Karee tɔl ne ta néje Gə́ yeḛ wɔji mée’g gə mba ra lé. Ndɔje gə́ gogo ɓa seḭ a gərje ɓəi.

Nɔ̰-ndôo gə́ wɔji dɔ Jerusalem 3:38

See gə goo godndu Njekurdɔloo ɓa néurtije əsé némaji teḛ ne el wa.

Misee 6:9

Ndu Njesigənea̰ ɓar dan ɓee-boo’g, Yeḛ gə́ to njekəmkàr ndá a ɓəl ria. Maji kar sí ooje ta lə ndəi ləm, gə yeḛ gə́ njekunda sí ləm tɔ.

Matiyo 9:13

Awje ndooje ginta nee: Meekɔrjol ɓa taa kəm ɓó nékinjaməs el. Togə́bè ɓa m’ree m’ɓar kaiya-dəwje ɓó njémeekarabasurje el.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

Tel tura Godndu 26:11

Gée gə́ gogo seḭ a kalje rɔ sí gə mba némajije lai gə́ Ala lə sí gə́ Njesigənea̰ ar sí-seḭ gə njémeekəije lə sí ləm, gə Ləbije ləma, gə dəw-dɔ-ɓeeje gə́ d’isi sə sí lé ləm tɔ.

Tel tura Godndu 28:47

Mbata né gə́ seḭ síje danee’g bèdèg lé ar sí raje né arje Ala lə sí gə́ Njesigənea̰ gə rɔlel gə meendakaḭ el,

Tel tura Godndu 8:3

Yeḛ ar sí ndooje kulje kɔji-kɔji ləm, yeḛ ula kəm sí ndòo gə ɓó ləma, yeḛ ul sí gə muru gə́ ḭ dara gə́ seḭ gərje el ləm, bɔ síje-je kara gər el ləm tɔ, gə mba ndoo sí ne to gə́ muru nja kára ba ɓa dəw a si ne kəmba el, nɛ taje kára kára lai gə́ teḛ ta Ala’g lé ɓa dəw a si ne kəmba lé tɔ.

Tel tura Godndu 8:5

Maji kar sí gərje gao to gə́ Ala lə sí gə́ Njesigənea̰ wɔji sí kəmkàr, to gə́ dəw wɔji ne ŋgonee kəmkàr bèe tɔ.

Maktub gə́ Jak ula ne ar ngan-Allaje 5:13

See dəw kára mbuna sí’g sí dan némeeko̰’g wa. Maji karee ra tamaji ta Ala’g. See dəw kára mbuna sí’g sí gə rɔlel wa. Maji karee ɔs pa kula rɔnduba dɔ Ala’g lé.