Njekillamber 6:8 - Maktub gə́ To gə Kəmee

⁸ Mbata see ɗi ɓa gə́ né Gə́ njekəmkàr iŋga unda mbə-dəw wa. Njenékəmndoo gə́ gər loo njaa Mbuna deḛ gə́ d’isi kəmba’g lé See ɗi ɓa yeḛ iŋga unda dee wa.

Njekillamber 6:8 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Pakɔsje 101:2

M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

Pakɔsje 116:9

M’a njaa kəm Njesigənea̰’g Dɔ naŋg’d lə deḛ gə́ d’aw kəmba lé.

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Njekillamber 5:11

Njekula lé sɔ né yaa̰ əsé sɔ né lam ba kara Toɓi gə́ majee lɔm ya Nɛ bao gə́ sɔ né aree asee nag-nag lé Ɓi wa kəmee el.

Njekillamber 6:9

Né gə́ kəm dəw oo lé Maji unda kunda bala néje: Tɔɓəi yee neelé kara To né gə́ gə mḭdé ba ya ɓəi ləm, To gə́ kaiŋgwɔd goo lel’g ləm tɔ.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.