Njekillamber 5:8 - Maktub gə́ To gə Kəmee

⁸ Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Njekillamber 5:8 ပူးပေါင်းရင်းမြစ်များ

2 Sôrta Gḭka Israɛlje 26:10

Yeḛ ra kəije gə́ duu dɔ loo dɔdilaloo’g ləm, yeḛ ur bwa-manje bula yaa̰ keneŋ ləm tɔ, mbata yeḛ aw gə nékulje bula yaa̰ mee wəl-looje’g gə ndag-looje’g ləm, njḛ́dɔ-ndɔje ləa, gə njéŋgəm ndɔ-nduúje ləa d’isi dɔ mbal gə́ Karmel ləm tɔ mbata yeḛ unda ndɔ dan kəmee’g ya.

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 55:9

M’a kɔs rɔm ɓad kaw ne kalaŋ Unda lel-mal gə́ ɓir ləm, Unda lel-boo gə́ ula mbḭ-mbḭ ləm tɔ.

Pakɔsje 82:1

Pakɔs lə Asap. Ala aar loo-mbo̰-dɔ-na̰’d gə́ wɔji dɔ Ala. Yeḛ gaŋg rəwta mbuna magəje’g.

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Gosota-Kəmkàrje 24:12

Ɓó lé i pana: kwii! jeḛ n’gər bèe el ... Yeḛ gə́ njekwɔji kwɔi lə ɓəŋgərə lé see a koo el wa.

Gosota-Kəmkàrje 8:17

Deḛ gə́ d’undam dan kəm dee’g lé M’unda dee dan kəm’g ləm, Deḛ gə́ saŋgəm ndá d’iŋgam ya ləm tɔ.

Njekillamber 3:16

Ma m’oo né gə́ raŋg dɔ naŋg nee ya tɔɓəi: Loo-gaŋg-rəwta’g lé meeyèr ɓa taa loo keneŋ pəl-pəl ləm, loo ra né gə́ gə dɔ najee lé meeyèr ɓa taa pəl-pəl ləm tɔ.

Njekillamber 4:1

Tɔɓəi ma m’aa loo ndá ma m’oo nékəmndooje lai gə́ ra gə na̰ dɔ naŋg nee ndá Aa oo, no̰ wa deḛ gə́ d’ula kəm dee ndòo lé jiim Nɛ dəw gə́ njegɔl meḛ dee godo! Njékula kəm dee ndooje Ra sə dee né kədərə yaa̰ Nɛ njegɔl meḛ dee godo!

Njekillamber 5:9

Yeḛ gə́ unda lar dan kəmee’g ndá Lar a kasee el ləm, Yeḛ gə́ unda nébaoje dan kəmee’g kara A kasee el ya ləm tɔ. Yee neelé to gə́ né gə́ gə mḭdé ba ya ɓəi.

Njekillamber 7:7

Kula kəm dəwje ndòo lé Ar njekəmkàr tel ne mbə ləm, Nḛ́dogo-gel kara tuji kəmkàr lə dəw ləm tɔ.

Njekillamber 8:9

Ma m’oo néje lai neelé Ndá ma m’wɔji məəm njaŋg Mba gər néje lai dɔ naŋg neelé. Ndɔ gə́ dəw dum dɔ maree Aree si ne dan meeko̰’g to gən.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 3:15

See na̰ ɓa un ndia ar sí talje ne dəwje ləm naŋg ras-ras ləm, Gə oreeje ne dɔ njéndooje naŋg ləm tɔ bèe wa. Mbaidɔmbaije gə́ Njesigənea̰ gə́ njeboo-néje ɓa dəji ta togə́bè.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Ejekel 18:18

Bɔbeeje nja ɓa to njekula kəm dəwje ndòo ləm, gə njetaa né lə njé gə́ raŋg gə ɓogo ləma, yeḛ nja ɓa gə́ nje néra gə́ majel mbuna koso-dəwje’g ləa ləm tɔ ndá yeḛ nja ɓa a kwəi yoo-kaiya ləa.

Amɔs 5:12

Mbata neḛ n’gər gao, Kaiyaje lə sí bula yaa̰ ləm, Néra majelje lə sí kara ḭ dɔ maree’g ləm, Seḭ ulaje njéra nédanaje ndubu ləm, Seḭ taaje néndogo-gel dəwje ləma, Seḭ ɔgje njéndooje né Gə́ kəm kar dee d’iŋga lé ləm tɔ.

Amɔs 6:12

See kundaje d’aiŋgwɔd dɔ biri mbal’g wa. Esé see deḛ ndɔ-ndɔ keneŋ gə bɔ maŋgje Ɓa seḭ telje néra gə́ danasur areeje to gə́ kuma̰ yoo ləm, Kandə meekarabasur lé Seḭ teleeje gə́ kandə né gə́ adə ləm tɔ lé wa.

Misee 2:9

Seḭ tubaje denéje lə dəwje lə neḛ Gə́ n’unda dee dan kəm neḛ’g mee kəije’g lə dee ləm, Seḭ ɔrje rɔnduba lə neḛ Gə́ to gə no̰ gə́ n’ula dɔ ŋgan deeje’g lé ləm tɔ.

Jakari 8:6

Njesigənea̰ gə́ njeboo-néje pa togə́bè pana: Ɓó lé néje neelé to gə́ nékɔb Kəm ges koso-dəwje gə́ nai mee ndəa gən lé See a to gə́ nékɔb kəm neḛ Njesigənea̰’d gə́ njeboo-néje lé to wa.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Lugu 1:32

Yeḛ a to dəw gə́ boo gə́ d’a ɓaree ŋgon Njekurdɔloo’g ndá Mbaidɔmbaije Ala lé a karee si kalimbai gə́ ka̰ keaje Dabid.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 1:76

Nɛ i ŋgonkas lé d’a ɓari njetegginta lə Njekurdɔloo’g Mbata i a njaa no̰ Mbaidɔmbaije’g mba gɔl ne rəw kabee ləm,

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

1 Piɛrə 4:12

Seḭ gə́ m’unda sí dan kəm’g lé némeeko̰ gə́ to asəna gə pər gə́ o̰ bilim-bilim gə́ a gə naa sí lé maji kar sí éeje asəna gə nékɔb gə́ a teḛ dɔ sí’g wai el.

1 Ja̰ 3:13

Ŋgakɔmje, ɓó lé njé gə́ naŋg nee d’wa sí gə meḛ dee kara arje kaar sí ndəb ne el.