Njekillamber 5:4 - Maktub gə́ To gə Kəmee

⁴ Kari un ndui el lé Maji unda kari un ɓa lal ra née karee aw lée’g béréré.

Njekillamber 5:4 ပူးပေါင်းရင်းမြစ်များ

Gḭ-Néje 28:20

Jakob un ndia pana: Ɓó lé Ala a nai səm ləm, a kaa dɔ rəw mbá gə́ m’aw neelé ləm, ɓó lé yeḛ a kam nésɔ m’usɔ gə kubu kula rɔm’g ləma,

Gḭ-Néje 35:1

Ala ula Jakob pana: Uba naŋg ḭta, aw Betel mba si keneŋ. Lée neelé i a ra loo-nékinjaməs keneŋ kar Ala, yeḛ gə́ teḛ dɔi’g loo gə́ i aḭ ŋgokɔḭ Esawu lé.

Gḭ-Néje 35:3

Jeḛ j’a kḭ tuga loo kaw Betel. Lée gə́ neelé ɓa m’a ra loo-nékinjaməs keneŋ kar Ala, yeḛ gə́ oo ndum mee ndɔ gə́ ma m’nai ne dan nékəmndoo’g ləm, gə nai səm loo-mbá gə́ ma m’aw keneŋ lé ləm tɔ.

Pakɔsje 116:14

Ndukunje ləm gə́ m’un m’ar Njesigənea̰ lé M’a ra tɔl bém kəm koso-dəwje’g ləa lai ya.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Pakɔsje 22:25

Mbata nékəmndooje lə njenékəmndoo lé Yeḛ oo gə́ kəm dɔbee əsé oo gə́ né gə́ to kḛji el, Yeḛ iya səa kəmee el Nɛ mbia to tag mba koo ne ndu no̰ ləa ya.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 76:11

Dəw lé lé si dan oŋg’d ləa kara a kɔs gajii ya Loo gə́ boo-oŋg ləi lai taa rɔi pəl-pəl.

Gosota-Kəmkàrje 20:25

Kḭ kalaŋ kun ndu gə́ mḭdé dɔ né gə́ to gə kəmee’g lé To gum kwa njeaje ləm, Manrɔ ɓad ɓa tel kḛji gée ɓəi lé kara to togə́bè ya ləm tɔ.

Esai 19:21

Njesigənea̰ a riba dɔ rəa kar Ejiptəje gəree ndá Ejiptəje d’a gər Njesigənea̰ mee ndəa’g neelé ya. Deḛ d’a kinja nékinjanéməsje ləm, d’a kar nékarje ləma, d’a kun ndu dee gə ndu manrɔ kar Njesigənea̰ mba ra né ndá d’a ra née ləm tɔ.

Junas 2:9

Deḛ gə́ d’unda rɔ dee mbo̰-mbo̰ rɔ magə-poleje’d gə́ kari ba lé D’ɔs meekoso lemsé rɔ dee’g rəw.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Bula lə Israɛlje 30:2

Moyis ula mbaije lə ginkoji Israɛlje pana: Aa ooje, né gə́ Njesigənea̰ un ndia dɔ’g ɓa nee:

Matiyo 5:33

Tɔɓəi seḭ ooje ta gə́ deḛ ndoo sí ləw pana: Seḭ a kubuje rɔ sí gə sḭ el nɛ manrɔ gə́ i a man ne rɔi kar Mbaidɔmbaije lé ndá i a karee ya.

Ǝbrəje 10:6

Nékinjaməs gə́ roo gə nékoga-kaiyaje lé taa kəmi el.

Njéga̰g-Rəwtaje 11:35

Loo gə́ yeḛ ée bèe ndá yeḛ wa kubuje rəa’g hao̰-hao̰ til pana: Wai ŋgonəm, i ar kaarm sɔlé solé-solé ya, i to gə́ mbuna deḛ gə́ d’am m’ndəb pəd-pəd lé. Ma m’un ndum gə ndu manrɔ m’ar Njesigənea̰ mba̰ ɓó m’askəm rəm gə ndum dɔ’g el.