Njekillamber 5:18 - Maktub gə́ To gə Kəmee

¹⁸ Tɔɓəi nana ɓa Ala aree nébaoje Gə némajije ləm, Gə yeḛ gər loo sɔ né ləm, Gər loo-kiŋga-né gə́ wɔji dəa ləma, Al ne rəa dan kula’g ləa ləm tɔ ndá To nénoji gə́ Ala ɓa aree ya.

Njekillamber 5:18 ပူးပေါင်းရင်းမြစ်များ

Pakɔsje 42:8

Ɓul mán ɓar ɓul mán maree Loo gə́ kaa manje ləi ɓar, Paŋgəm-manje ləi gə ɓul manje ləi lai dəs dɔm’g ya.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 2:10

Néje lai gə́ kəm ndigi koo lé ma m’ɔgee dɔ’g el ləm, ma m’ɔg rɔm nérɔlel kára kara el ləm tɔ. Mbata kula ramje lai lé am m’ra ne rɔlel, yee ɓa gə́ né kama gə́ m’iŋga ya.

Njekillamber 2:24

Né gə́ to maji mbata lə dəw lé to mba karee sɔ né gə ai né ləm, to mba kar mée lelee ne loo si gə rɔlel dɔ kula reaje’g ləm tɔ. Nɛ ma m’oo to gə́ yee neelé kara to né gə́ ḭ meḛ ji Ala’g lé tɔ.

Njekillamber 2:3

Ma m’wɔji məəm’g njaŋg mba kula rɔm mbiriri loo-kido’g ləm, gə dan mbə’g ləm tɔ nɛ gə goo kəmkàree, saar mba gər ne né gə́ maji gə́ dəwje d’askəm ra dɔ naŋg nee mee ndɔje bula gə́ d’isi ne kəmba lé.

Njekillamber 3:22

Bèe ɓa ma m’oo to gə́ né gə́ maji unda kar dəw al rəa gə né gə́ iŋga loo kula’g ləa lé godo. Yee ɓa gə́ né gə́ wɔji dəa, mbata see na̰ ɓa a karee oo né gə́ a gə ree gée’g lé ɓəi wa.

Njekillamber 6:2

Dəw kára si keneŋ, Ala aree nébaoje gə némajije gə rɔnduba ləm, Né kára gə́ wɔji dəa gə́ malee rəa lé Lalee el ləm tɔ Nɛ Ala ya̰ loo aree ul ne rəa el Mbata dəw-dɔ-ɓee ɓa a kal ne rəa ya. Yee neelé to né gə́ gə mḭdé ba ya ləm, To némajel gə́ boo ya ləm tɔ.

Njekillamber 8:15

Bèe ɓa ma m’ra ne rɔlel Mbata si maji lə dəw dɔ naŋg nee lé To sɔ né gə kai né gə ra rɔlel ya ba. Yee neelé ɓa gə́ né Gə́ deḛ səa d’a kaw na̰’d loo kula’g ləa Mee ndɔje lai Gə́ Ala aree si ne kəmba dɔ naŋg nee lé.

Njekillamber 9:7

Ɔd aw o̰ muru ləi gə rɔlel ləm, Gə ai mán-nduú ləi gə meelel ləm tɔ Mbata néraije lé taa kəm Ala mba̰ ya.

Jeremi 52:34

Mbai gə́ Babilɔn aree nḛ́gəmrea gə ndɔje kára-kára lai gə́ yeḛ si ne kəmba lé saar ndɔ kwəi’g ləa tɔ.

1 Njé gə́ Kɔrḭtə 16:16

Dəwje gə́ ra togə́bè lé maji kila koji dɔ dee’g ləm, gə dɔ deḛ lai gə́ to njéboakulaje lə dee kara ləm tɔ.

Tel tura Godndu 12:18

Nɛ no̰ Njesigənea̰ Ala’g lə sí ɓa seḭ a sɔje keneŋ, loo gə́ Ala lə sí gə́ Njesigənea̰ a mbər lé, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləm, gə Ləbije gə́ d’a si mbuna sí’g ləm tɔ ndá to no̰ Njesigənea̰ Ala’g lə sí ɓa seḭ a raje rɔlel keneŋ dɔ némajije lai gə́ seḭ a kiŋgaje lé ya.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 26:11

Gée gə́ gogo seḭ a kalje rɔ sí gə mba némajije lai gə́ Ala lə sí gə́ Njesigənea̰ ar sí-seḭ gə njémeekəije lə sí ləm, gə Ləbije ləma, gə dəw-dɔ-ɓeeje gə́ d’isi sə sí lé ləm tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.