Njekillamber 4:8 - Maktub gə́ To gə Kəmee

⁸ To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Njekillamber 4:8 ပူးပေါင်းရင်းမြစ်များ

Gḭ-Néje 2:18

Njesigənea̰ Ala pana: To maji mba kar dəw si gə karee ba el, m’a ra njela səa gə́ a to tana səa bèe k’aree tɔ.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 39:7

Tɔgərɔ ya, dəw lé aw tar Asəna gə ndil né gə́ dəs bèe ləm, Yeḛ ula rəa ndubu nɛ ra pi, Yeḛ mbo̰ néje dɔ na̰’d Nɛ yeḛ gər dəw gə́ a gə to njea lé el.

Gosota-Kəmkàrje 27:20

Ɓee lə njé gə́ d’wəi ləm gə bwa-wəl gə́ suna godo ləm tɔ lé né as dee nda̰ el, Kəm dəw kara né asee nda̰ el tɔ.

Njekillamber 1:13

Gə goo kəmkàr lé ma m’wɔji məəm’g njaŋg m’saŋg ne gin néje lai gə́ ra dɔ naŋg nee lé, yee ɓa gə́ kula gə́ kədərə gə́ Ala ɔm ji dəwje’g ar dee d’ula rɔ dee keneŋ mbiriri dao ne.

Njekillamber 1:8

Néje lai neelé kula ra dee lé loo pea godo. Kəm dəw asee dɔ koo loo’g el ləm, mbi dəw asee dɔ koo tar’g el ləm tɔ.

Njekillamber 2:21

Mbata dəw gə́ togə́bè gə́ ra kula gə kəmkàr gə goso-gər-gin-né teḛ ne kɔr ɓa ya̰ kandə nékula ləa ar dəw gə́ ra kula keneŋ el ɓa gə́ kea̰. Yee neelé to gə́ né gə́ kari ba ləm, to némajel gə́ boo ya ɓəi ləm tɔ!

Njekillamber 2:23

Ndɔje ləa lai lé to gə́ némeeko̰ ya ləm, kula rəa to gə́ nékəmndoo ya ləm tɔ, lé loondul’g kara loo kila mée po̰ godo tɔ. Yee neelé to gə́ né gə́ kari ba ya ɓəi.

Njekillamber 4:7

M’aa loo ndá m’oo néje gə́ gə mḭdé gə́ dɔ naŋg nee ya ɓəi Gə́ to né gə́ kari ba dɔ naŋg neelé ya ɓəi.

Njekillamber 5:10

Loo gə́ nésɔ to yaa̰ ndá Njésəaje kara to yaa̰ to See ɗi ɓa njea iŋga keneŋ wa. Kəmee ɓa yeḛ aa ne nébaoje ləa ya.

Njekillamber 5:9

Yeḛ gə́ unda lar dan kəmee’g ndá Lar a kasee el ləm, Yeḛ gə́ unda nébaoje dan kəmee’g kara A kasee el ya ləm tɔ. Yee neelé to gə́ né gə́ gə mḭdé ba ya ɓəi.

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

1 Ja̰ 2:16

Mbata néje lai gə́ dɔ naŋg neelé mbo̰ na̰ gin munda: kəmnda ləm, kəmkəḭ ləma, gə kəsta gə́ dəwje ti ne rɔ dee ləm tɔ, néje neelé d’ḭ dɔ naŋg nee ɓó d’ḭ rɔ Bɔ-dəwje’g el.