Njekillamber 4:14 - Maktub gə́ To gə Kəmee

¹⁴ Mbata ŋgon neelé lé yeḛ ḭ kəi-daŋgai’g Esé d’ojee gə́ njendoo mee ɓee’g ləa kara Yeḛ askəm tel to njeko̰ɓee ya.

Njekillamber 4:14 ပူးပေါင်းရင်းမြစ်များ

Gḭ-Néje 41:14

Yen ŋga Parao̰ ula kula ɓar Jisəb ndá d’aree unda loo teḛ daŋgai’g gə ŋgwɔd. Yeḛ ndisa mbai təa ləm, ula kubuje gə́ raŋg rəa’g ləm tɔ, ɓa ɔd aw rɔ Parao̰’g ɓəi.

Maktub gə́ wɔji dɔ Jɔb 5:11

Deḛ gə́ d’ula dɔ dee lé yeḛ unda dɔ dee tar ləm, Deḛ gə́ d’isi dan kəmtondoo’g lé yeḛ ar meḛ dee kul lɔm ləm tɔ.

Loo gə́ killa rea kəm Daniel’g 4:31

Loo gə́ ləbje gə́ d’wɔji lé as lée’g mba̰ ndá ma Nebukadnesar m’un kəm par gə́ dara ndá kəm tel inja dɔ rɔm’g gogo. Ma m’unda no̰ dɔkaisəgərə lə Njekurdɔloo ləm, ma m’pidee m’ula ne rɔnduba dɔ yeḛ gə́ sí gə ləbee-ləbee gə no̰ ləma, dum dɔ loo ləa kara to gə́ ləbee-ləbee saar gə no̰ ləm tɔ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

2 Mbaije 24:6

Jojakim wəi ndá, ŋgonee gə́ Jojakḭ ɓa o̰ ɓee toree’g tɔ.

Njekillamber 4:15

Ma m’oo dəwje lai gə́ d’isi kəmba dɔ naŋg nee Gə ŋgon gə́ a gə kḭ taa tor mbai lé.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.