Njekillamber 4:13 - Maktub gə́ To gə Kəmee

¹³ Ŋgon gə́ njendoo gə́ kəmee àr lé Maji unda mbai gə́ ɓuga Gə́ to mbə ləm gə gər takwɔji-kəmkàr el ləm tɔ.

Njekillamber 4:13 ပူးပေါင်းရင်းမြစ်များ

Gḭ-Néje 37:2

Aa oo, ta gə́ wɔji dɔ ŋgaka Jakob ɓa to nee: Jisəb lé ra ləb dɔg-giree-siri ndá yeḛ ul koso-nékulje gə ŋgakea̰je na̰’d. Basa neelé nai rɔ ŋgalə Bila’g gə Jilpa’g, deḛ gə́ to gə́ denéje lə bɔbeeje lé. Jisəb lé un tapa gə́ majel lə dee aw ndaji ar bɔbeeje oo.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Gosota-Kəmkàrje 19:1

Njendoo gə́ njaa gə goo rəbee lé Maji unda njepa taŋgɔm gə́ to mbə-dəw.

Gosota-Kəmkàrje 28:6

Njendoo gə́ njaa gə goo rəbee lé Maji unda yeḛ gə́ to bao gə́ rəw-kabeeje nduni koŋ-koŋ.

Njekillamber 4:12

Ɓó lé dəw gə́ gə karee ba ɓa maree dum dəa ndá Dəwje gə́ joo lé d’askəm dum dəa-yeḛ tɔ. Tɔɓəi kúla gə́ kunda na̰’d kəm munda lé A gaŋg kalaŋ el tɔ.

Njekillamber 7:19

Kəmkàr lé ar njekəmkàr Siŋgá ur ne dɔ njékɔrno̰ dəwje gə́ dɔg Gə́ d’isi mee ɓee-boo’g.