Njekillamber 3:8 - Maktub gə́ To gə Kəmee

⁸ Ndɔ ndigi na̰ to keneŋ ləm, ndɔ kḛji na̰ bəḭ-bəḭ to keneŋ ləm tɔ, ndɔ rɔ to keneŋ ləm, ndɔ si gə meelɔm to keneŋ ləm tɔ.

Njekillamber 3:8 ပူးပေါင်းရင်းမြစ်များ

1 Mbaije 5:4

Yeḛ o̰ ɓee dɔ ɓeeje lai gə́ to kel tura-baa’g nu, un kudee Tipsa saar teḛ ne Gaja ləm, gə dɔ mbaije lai gə́ d’isi kel tura-baa’g nu ləm tɔ. Ndá meekulɔm to mee ɓeeje’g lai gə́ gugu dəa sub lé.

2 Mbaije 9:22

Loo gə́ Joram oo Jehu ndá yeḛ pana: Jehu, see ree gə meelɔm ya wa. Jehu ilá keneŋ pana: See ree gə meelɔm ŋga ɓa gə́ ta ɗi wa. Loo gə́ kaiya ra kɔḭ gə́ Jejabel gə́ to njepole magə to keneŋ ləm, boo-némbeḛje ləa to keneŋ ɓəi ləm tɔ lé see loo a to gə́ majee to gə́ ban wa.

2 Sôrta Gḭka Israɛlje 19:2

Jehu, ŋgolə Hanani, njetegginta aw aar nea̰’g ndá yeḛ ula mbai Josapat lé pana: Dəw gə́ njemeeyèr lé see kəm la səa əsé deḛ gə́ d’ə̰ji Njesigənea̰ bəḭ-bəḭ lé see kəm kunda dee dan kəmi’g wa. Gelee gə́ nee ɓa oŋg lə Njesigənea̰ ḭ ne səa pu dɔi’g gə mbəa.

Pakɔsje 101:3

M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Pakɔsje 105:25

Yeḛ tel meḛ njé gə́ Ejiptə ɓəd Ar dee d’ə̰ji koso-dəwje ləa bəḭ-bəḭ Deḛ ra némeeyèr gə kuraje ləa.

Pakɔsje 139:21

Njesigənea̰, deḛ gə́ d’wai gə meḛ dee lé See m’a kwa dee gə məəm to el wa. Deḛ gə́ d’ḭ səi lé See m’a koo dee gə kəm dɔbee el wa.

Gosota-Kəmkàrje 13:5

Dəw gə́ njemeekarabasur lé Ǝ̰ji taŋgɔm bəḭ-bəḭ, Nɛ dəw gə́ njemeeyèr tel to to kḛji, Ila ne rɔkul dɔ rəa’g.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Njé gə́ Epesə 3:19

Ndá seḭ a gərje ne meenoji lə Kristi gə́ dum gər lé ndá Ala nja a taa meḛ sí gə rɔ sí bura pəl-pəl tɔ.

Njé gə́ Epesə 5:25

Diŋgamje, undaje denéje lə sí dan kəm sí’g, to gə́ Kristi kara unda ne Eglisə dan kəmee’g, ila ne rəa da gə mbata ləa bèe tɔ.

Titə 2:4

Yee ɓa d’a ndoo ne njéŋgao-sigije kar dee d’unda ŋgaw deeje gə ŋgan deeje dan kəm dee’g ləm,

Jujé 11:23

Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.

Loo gə́ killa rea kəm Ja̰’g 2:2

Ma m’oo nérai ləm, gə kula rai ləma, gə meekai sam-sam ləi ləm tɔ. Ma m’gər gao i oo loo gə mba kwa njémeeyèrje gə́ rɔi’g el ləm, deḛ gə́ ɓar rɔ dee njékaḭkulaje nɛ d’unda rɔ dee keneŋ gə́ kunda lé i naa dee oo dee gə́ njéŋgɔmje ləm tɔ.