Njekillamber 3:7 - Maktub gə́ To gə Kəmee

⁷ ndɔ til né to keneŋ ləm, ndɔ kuru né to keneŋ ləm tɔ. Ndɔ sí dɔ-mundu to keneŋ ləm, ndɔ pata to keneŋ ləm tɔ.

Njekillamber 3:7 ပူးပေါင်းရင်းမြစ်များ

Gḭ-Néje 37:29

Rubḛ tel ree godə-bwa-mán’g ndá aa oo, Jisəb godo mee godə-bwa-mán’g lé. Yeḛ wa kubu ləa rəa’g hao̰ til,

Gḭ-Néje 37:34

Yeḛ wa kubu ləa rəa’g hao̰ til ndá yeḛ tɔ kubu-kwa-ndòo rḛgee’g tɔɓəi yeḛ wa ne ndòo ŋgonee kuree əw yaa̰.

Gḭ-Néje 44:18

Yen ŋga Juda rəm pər gə́ rɔ Jisəb’g ulá pana: Ǝi Mbai ləm, m’ra ndòo rɔi’g mba kari ya̰ loo ar kura ləi pata ari oo ɓó ar oŋg ləi ḭ dɔ kura’g ləi el! Mbata i lé to asəna gə Parao̰ ya.

Gḭ-Néje 44:34

See m’a tel kaw rɔ bɔm’g lal kar ŋgon lé aw səm na̰’d to gə́ ban wa. Ǝi! Maji kam m’oo meeko̰ lə bɔm bèe el ŋga.

2 Samel 1:11

Dabid wa kubuje gə́ rəa’g hao̰-hao̰ til ndá koso-dəwje lai gə́ d’isi səa kara ra togə́bè ya tɔ.

2 Samel 3:31

Dabid ula Joab gə deḛ lai gə́ d’aw səa lé pana: Tilje kubuje lə sí hao̰-hao̰ ndá ulaje ŋgisi kubu-kwa-ndòo rɔ sí’g no̰je ne dɔ yoo Abner’g. Tɔɓəi mbai Dabid njaa goo yée’g tɔ.

1 Mbaije 21:27

Gée’g gogo loo gə́ Akab oo taje lə Eli ndá yeḛ til kubuje rəa’g hao̰-hao̰ ya̰ ula kubu-kwa-ndòo ɓa rəa’g, tɔɓəi yeḛ ɔg mée ɓoo ləm, yeḛ to naŋg gə kubu-kwa-ndòo lé bura ləm tɔ ndá yeḛ njaa ne jan-jan tɔ.

2 Mbaije 18:36

Koso-dəwje lé d’isi ta dee mundu ɓó d’ilá ta’g el, mbata mbai Ejekias lé un ndia ar dee pana: Seḭ a kiláje ta’g el.

2 Mbaije 5:7

Loo gə́ mbai gə́ Israɛl lé tura maktub neelé ndá yeḛ til kubuje gə́ rəa’g hao̰-hao̰ pa ne pana: See ma m’to Ala ɓa m’a kar dəw wəi ləm, karee tel si kəmba ləm tɔ ɓa yeḛ ula ne dəw neelé rɔm’g mba kam m’ɔr ba̰ji rəa’g wa. Ooje maji to gə́ yeḛ saŋg loo mba ra səm ta gə́ ra ya.

2 Mbaije 6:30

Loo gə́ mbai oo tapa dené neelé ndá yeḛ til kubuje ləa ɔd njaa dəs dɔ ndògo-bɔrɔ’g tɔ. Loo gə́ dəwje d’ée ndá dee pana: Aa ooje, yeḛ ula kubu-kwa-ndòo ɓa rəa’g.

Este 7:4

Mbata deḛ ndogo sí, ma jeḛ gə dəwje ləm gə mba kar dee tuji sí ləm, gə mba kar dee tḭja gwɔb sí ləma, gə mba kar sí j’udu guduru ləm tɔ. Ɓó lé deḛ ndogo sí gə mba kar sí n’to ɓərje gə́ diŋgam gə njé gə́ dené ndá m’a kila tam maree’g ndag ya. Nɛ né gə́ to gə goo rəbee el gə́ njeba̰ wɔji-kwɔji ra lé kəm kwɔji gadee kar mbai el.

Maktub gə́ wɔji dɔ Jɔb 2:13

Deḛ d’isi səa dɔ naŋg’d ya ndɔ siri dan kàrá gə loondul’g ar dəw kára kara ulá ta el mbata deḛ d’oo néɓəŋgərəti ləa gə́ al dɔ loo sula lé.

Pakɔsje 39:2

Ma m’pana: M’a kunda kəmkàr dɔ tapam’g Nà banelə ta kaiya a teḛ tam’g ya ləm, M’a kila tam maree’g ndag Loo gə́ njemeeyèr a ree kaar nɔm’g ləm tɔ.

Njekillamber 3:6

Ndɔ saŋg né to keneŋ ləm, ndɔ kar né igi to keneŋ ləm tɔ, ndɔ ŋgəm né to keneŋ ləm, ndɔ kila né kɔrɔ to keneŋ ləm tɔ,

Esai 36:21

Koso-dəwje lé d’isi ta dee mundu ɓó d’ilá ta’g el, mbata mbai Ejekias lé un ndia ar dee pana: Seḭ a kiláje ta’g el.

Jeremi 36:24

Mbai gə kuraje ləa lai gə́ d’oo taje neelé deḛ ɓəl el ləm, til kubuje lə dee el ləm tɔ.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Nɔ̰-ndôo gə́ wɔji dɔ Jerusalem 3:28

Yeḛ a kɔr rəa si dɔ mundu Loo gə Njesigənea̰ wɔjee né kəm ra lé.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Amɔs 5:13

Yee gə́ bèe ɓa, mee ndəaje gə́ togə́bè lé Njekəmkàr a si gə təa mundu Mbata mee ndɔje’g neelé loo a ndɔji keneŋ pɔdɔdɔ.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Misee 7:5

Maji kar sí ɔmje meḛ sí dɔ baokuraje’g lə sí el ləm, Ǝsjeta dɔ njékṵda sí dan kəm dee’gje el ləm tɔ. Deḛ gə́ seḭ sə deeje toje mee kəi’g lé Maji kar sí ŋgəmje ta sí no̰ dee’g.

Néra Njékaḭkulaje 4:20

Mbata jeḛ lé j’askəm kəw rɔ sí dɔ pata né gə́ jeḛ j’oo gə kəm sí gə mbi sí lé el.

Néra Njékaḭkulaje 9:39

Piɛrə uba naŋg ḭta aw gə dəwje neelé na̰’d tɔ. Loo gə́ yeḛ teḛ keneŋ mba̰ ndá d’ɔr nea̰ d’aw səa mee kəi gə́ dɔ maree’g tar lé tɔ. Njékəisiŋgaje lai gə́ d’aar keneŋ lé kiri dəa yir tɔjee kubu kur Dɔrkas loo gə́ yeḛ si ne sə dee gə kəmee ɓəi lé.

1 Samel 10:16

Sawul tel ila naneeje keneŋ pana: Yeḛ ula sí woḭ to gə́ ko̰-mulayḛ̀je-je lé d’iŋga dee mba̰. Nɛ ta gə́ wɔji dɔ ɓeeko̰ gə́ Samel ulá lé ɓa yeḛ pa el.