Njekillamber 3:16 - Maktub gə́ To gə Kəmee

¹⁶ Ma m’oo né gə́ raŋg dɔ naŋg nee ya tɔɓəi: Loo-gaŋg-rəwta’g lé meeyèr ɓa taa loo keneŋ pəl-pəl ləm, loo ra né gə́ gə dɔ najee lé meeyèr ɓa taa pəl-pəl ləm tɔ.

Njekillamber 3:16 ပူးပေါင်းရင်းမြစ်များ

Njekillamber 4:1

Tɔɓəi ma m’aa loo ndá ma m’oo nékəmndooje lai gə́ ra gə na̰ dɔ naŋg nee ndá Aa oo, no̰ wa deḛ gə́ d’ula kəm dee ndòo lé jiim Nɛ dəw gə́ njegɔl meḛ dee godo! Njékula kəm dee ndooje Ra sə dee né kədərə yaa̰ Nɛ njegɔl meḛ dee godo!

Njekillamber 5:7

Ɓó lé i oo njendoo gə́ d’ula kəmee ndòo Mee dəb ɓeeko̰’g ləm, Gə buguree dɔ néra gə́ gə goo rəbee’g Gə néra gə́ gə dɔ najee’g ləm tɔ ndá Ar kaari wai paḭ gə mbəa el. Mbata dəw gə́ d’unee d’unda dɔ maree’g lé Dəw gə́ ur dəa-yeḛ’g nja yeḛ si gelee’g ləm, Yeḛ gə́ ur dɔ dee’g joo bɔr kara Si gən ɓəi ləm tɔ.

Njekillamber 5:8

Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Njekillamber 8:9

Ma m’oo néje lai neelé Ndá ma m’wɔji məəm njaŋg Mba gər néje lai dɔ naŋg neelé. Ndɔ gə́ dəw dum dɔ maree Aree si ne dan meeko̰’g to gən.

Esai 59:14

Bèe ɓa néra gə́ gə dɔ najee rəm gə́ gée-gée ləm, Kaji kara nai ne sə sí əw ləm tɔ, Mbata d’orè dɔ kankəmta naŋg ndaa-loo’g ləm, Néra gə́ danasur iŋga loo tibi mbɔr sí el ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Matiyo 26:59

Mbai dɔ njékinjanéməsje-je lé gə njégaŋ-rəwtaje lə Jibje lai d’inja kwɔi Jeju mba kar rəwta gə́ gaŋg lé wa dəa ɓó gə́ mba karee udu ne.

Néra Njékaḭkulaje 23:3

Yen ŋga Pool ulá pana: Ala a kundai-i, i gə́ to ndògo gə́ ndá lé. I si keneŋ gə mba ra ta ləm gə goo godndu, nɛ i orè ta godndu lé naŋg més ɓa un ndui ar dee gə mba kar dee d’undam.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.