Njekillamber 3:1 - Maktub gə́ To gə Kəmee

¹ Néje lai lé dɔkurloo gə́ wɔji dɔ dee dɔ dee to keneŋ ləm, néje lai dɔ naŋg neelé kara kàree gə́ wɔji dɔ dee dɔ dee to keneŋ ləm tɔ.

Njekillamber 3:1 ပူးပေါင်းရင်းမြစ်များ

2 Mbaije 5:26

Elije ulá pana: Loo gə́ dəw neelé ḭ mee pusu’g ləa gə tɔgee ur naŋg aw gə́ rɔi’g lé see ma m’oo el wa. See ɓasinè to kàr taa larnda, gə kubuje, gə koiyoje, gə kag-nduúje, gə badje, gə maŋgje, gə kuraje gə́ diŋgam gə njé gə́ dené ŋga wa.

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

Gosota-Kəmkàrje 15:23

Kila ta’g gə ndu gwɔs gə́ maji lé to rɔlel lə njea, Ŋga ɓəd ɓa see ta gə́ lel gə́ dəw pa gə goo rəbee lé ɓəi wa.

Gosota-Kəmkàrje 24:27

Maji kari gɔl néje ləi gə́ to raga ləm, Ar mee ndɔ ləi to gə́ majee ləm tɔ ɓa Gée gə́ gogo ndá a ra kəi ləi ɓəi.

Njekillamber 1:13

Gə goo kəmkàr lé ma m’wɔji məəm’g njaŋg m’saŋg ne gin néje lai gə́ ra dɔ naŋg nee lé, yee ɓa gə́ kula gə́ kədərə gə́ Ala ɔm ji dəwje’g ar dee d’ula rɔ dee keneŋ mbiriri dao ne.

Njekillamber 2:17

Bèe ɓa ma m’ə̰ji si kəmba lé bəḭ-bəḭ mbata néje lai gə́ ra dee dɔ naŋg neelé taa kəm el mbata néje lai lé to néje gə́ kari ba, to kaiŋgwɔd goo lel’g.

Njekillamber 2:3

Ma m’wɔji məəm’g njaŋg mba kula rɔm mbiriri loo-kido’g ləm, gə dan mbə’g ləm tɔ nɛ gə goo kəmkàree, saar mba gər ne né gə́ maji gə́ dəwje d’askəm ra dɔ naŋg nee mee ndɔje bula gə́ d’isi ne kəmba lé.

Njekillamber 3:17

Ma m’pa məəm’g m’pana: Ala a gaŋg rəwta dɔ njera né gə́ gə dɔ najee ləm, gə dɔ njemeeyèr’g ləm tɔ, mbata néje lai ləm, gə kulaje lai ləm tɔ lé ndəa gə́ wɔji dɔ dee dɔ dee to keneŋ ya.

Njekillamber 7:14

Mee ndɔ si dan maji’g lé Arje rɔ sí lel sí ləm, Mee ndɔ si dan meeko̰’g lé kara Ǝ̰jije ta meḛ sí’g ləm tɔ. Ala nja ɓa gə́ njera dee joo bɔr Gə mba kar dəw gər ne né Gə́ a gə teḛ dəa’g gogo lé el.

Jeremi 46:17

Lée neelé deḛ ra né wəl keneŋ pana: Parao̰, mbai gə́ Ejiptə, To kaa né gə́ ɓar gə́ ɓar ba ya, Yeḛ ar kàree dəs mba̰.

Matiyo 16:3

Nɛ loo gə́ kàr uba gə ndɔ ɓa dara lé pélé na̰ kas gə ndul ndá seḭ pajena: Ɓogənè ko̰ mán a kər. Dara ɓa seḭ gərje go̰je ne né gə́ to keneŋ nɛ néje gə́ a gə ree gə́ tɔji sí ndəa lé seḭ gərje go̰je el ya.