Njekillamber 2:8 - Maktub gə́ To gə Kəmee

⁸ Ma mbo̰ larnda gə larlɔr ləm, gə nébaoje lə mbaije gə njékaa dɔ dəb-ɓeeko̰je ləm tɔ gə́ kama̰. Ma m’iŋga njékɔspaje ləm gə́ diŋgam gə njé gə́ dené ləm, gə boo-nérɔlelje lə dəwje gə́ to gamla-denéje bula ləm tɔ.

Njekillamber 2:8 ပူးပေါင်းရင်းမြစ်များ

2 Samel 19:35

Nɛ Barjilai tel ila mbai keneŋ pana: See m’a kisi kəmba ləbm ka̰da tɔɓəi ɓa m’a kaw gə mbai Jerusalem ya ɓəi wa.

1 Mbaije 10:10

Yeḛ ar mbai larlɔr as nékwɔji kwɔi-lə-né tɔl-dɔg-loo-munda gə dəa tɔl-mi (3.500) ləm, gə boo-néje gə́ ə̰də sululu ləma, gə jərje gə́ gad dee to yaa̰ ləm tɔ. Néje gə́ ə̰də sululu gə́ d’ḭ ne raŋg ree ne gə́ to asəna gə njé gə́ mbai gə́ dené gə́ Seba ree ne ar mbai Salomo̰ lé godo.

1 Mbaije 10:14

Kwɔi lə larlɔr gə́ deḛ ree ne ləb kára-kára lai d’ar Salomo̰ lé as nékwɔji kwɔi-lə-né tɔl-dɔg-loo-rɔ-joo (20.000),

1 Mbaije 10:21

Baije lə mbai Salomo̰ lé ra dee gə larlɔr ya lai ləm, gə ka-larje lai gə́ to mee kəi gə́ ria lə Mee-kag-kɔr gə́ Liba̰ lé deḛ ra dee gə larlɔr gə́ àr ŋgad-ŋgad ləm tɔ. Né kára kara gə́ ra gə larnda lé godo mbata mee ndəa’g lə Salomo̰ lé d’oo larnda gə́ né gə́ gəd el.

1 Mbaije 11:3

Yeḛ taa denéje gə́ to ŋgalə mbaije tɔl-siri (700) ləm, gə deḛ gə́ to ŋgalə dəwje gə́ kari ba tɔl-munda (300) ləm tɔ, denéje ləa lé ɓa d’ar mée tel to ɓəd.

1 Mbaije 14:27

Mbai Roboam ra dərje gə larkas taa ne tor dee tɔɓəi yeḛ ɔm dərje lé ji ɓé-njérɔkwɔilɔje’d gə́ to njékaḭ bada dɔ looje gə́ ŋgəm takəije lə mbai mba kar dee ŋgəm dee maji tɔ.

1 Mbaije 9:14

Kédé lé Iram ula gə larlɔr kilo tɔl-dɔg-loo-munda gə dəa tɔl-mi (3.500) ar mbai Salomo̰ ya.

1 Mbaije 9:28

Deḛ d’aw Opir ndá deḛ d’odo larlɔr as nékwɔji kwɔi-lə-né tɔl-dɔg-loo dɔg-giree-joo (12.000) d’aw ne d’ar mbai Salomo̰ lé.

1 Sôrta Gḭka-Israɛlje 25:1

Dabid gə ɓé-njérɔje d’ɔr njé gə́ na̰je mbuna ŋgalə Asap’g, gə Heman’g, gə Jedutun’g, d’unda dee gə kəmee mbata kula lé deḛ gə́ tegginta gə kṵdu-kagje gə kṵdu-ko̰déje gə ma̰dje gə́ sa səgə-səgə tɔ. Aa ooje, bula lə deḛ gə́ d’ɔm kula neelé ji dee’g lé ɓa nee:

1 Sôrta Gḭka-Israɛlje 25:6

Deḛ lai neelé bɔ deeje d’ɔr no̰ dee keneŋ mba kar dee d’ɔs pa mee kəi’g lə Njesigənea̰ ləm, d’isi gə ma̰dje gə́ sa səgə-səgə, gə kṵdu-ko̰déje, gə kṵdu-kagje ji dee’g mbata loo-kwa-dɔ-na̰ mee kəi’g lə Ala ləm tɔ. Asap, gə Jedutun, gə Heman lé ra kula gə goo ndukunje lə mbai tɔ.

2 Sôrta Gḭka Israɛlje 9:11

Kag-sa̰dalje neelé mbai lé ra ne loo-kuba-ɗao-ɗao kaw mee kəi’g lə Njesigənea̰ ləm, gə kəi mbai ləa-yeḛ ləm tɔ, tɔɓəi yeḛ ra kudu-kṵduje gə buulaje mbata lə njékɔspaje. Dəw oo garee gə́ togə́bè kédé mee ɓee gə́ Juda el ɓəi.

Esdras 2:65

lal tura kuraje lə deḛ gə́ diŋgam gə njé gə́ dené gə́ bula lə dee to tɔl-dɔg-loo siri gə dəa tɔl-munda gə dɔ dee rɔ-munda-giree-siri (7.337). Mbuna dee’g lé bao-paje gə́ diŋgam gə njé gə́ dené d’as tɔl-joo (200) ləm tɔ.

Njekillamber 1:2

Njekilamber lé pana: Né gə́ mḭdé ba, néje lai-lai to néje gə́ gə mḭdé ba ya.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:5

Loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, a kwaje néndaji gə́ ra gə larlɔr gə́ mbai Nebukadnesar uree tar lé meḛ sí’g ləm tɔ.

Loo gə́ killa rea kəm Daniel’g 3:7

Togə́bè ɓa loo gə́ dəwje lai d’oo ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləma, gə nékimje ɓəd-ɓəd ləm tɔ ndá koso-dəwje lai ləm, ginkoji dəwje gə raŋg ləma, deḛ gə́ takɔji dee ɓəd-ɓəd ləm tɔ lé d’unda barmba ləm, d’wa néndaji gə́ ra gə larlɔr gə́ mbai Nebukadnesar uree tar lé meḛ dee’g ləm tɔ.

Amɔs 6:5

Deḛ d’ɔs pa gə mḭdé ba gə kṵdu-ko̰dè ləm, Deḛ d’oo rɔ dee gə́ njégoso nékimje to gə́ Dabid bèe ləm tɔ.