Njekillamber 2:6 - Maktub gə́ To gə Kəmee

⁶ Ma m’ra kəm-rəw-manje mba kar mán ula keneŋ ɔm gel kagje’g kar dee tɔg ne.

Njekillamber 2:6 ပူးပေါင်းရင်းမြစ်များ

Nehemi 2:14

Ma m’dəs mbɔr tarəwɓee gə́ ria lə Kəm-rəw-mán ləm, gə duu-mán lə mbai ləm tɔ ndá lé neelé loo gə́ kəm kam m’dəs keneŋ gə mulayḛ̀je gə́ m’ubá lé godo.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Nehemi 3:15

Salṵ, ŋgolə Kol-Hojé, mbai dɔ dəb ɓee gə́ ria lə Mispa gɔl tarəwɓee gə́ ria lə Kəm-rəw-mán. Yeḛ unda tarəwɓee lé ləm, tula tabidi-kəije gə pəgərəje gə kageeje keneŋ ləm tɔ. Tɔɓəi yeḛ unda ndògo-bɔrɔ kəm duu-mán gə́ Siloe gə́ to mbɔr loo-kamnaḭ’g lə mbai saar teḛ ne loo tuga ɗao-ɗao gə́ suru ɗum par gə́ ɓee-boo’g lə Dabid.

Nehemi 3:16

Gée-yeḛ’g lé Nehemi, ŋgolə Ajbuk, mbai dɔ ges dəb ɓee gə́ Bet-Sur ra kula gɔl ndògo-bɔrɔ keneŋ teḛ ne loo gə́ wɔji dɔ dɔɓarje lə Dabid njoroŋ saar teḛ ne ta bwa-mán gə́ d’ṵja kédé saar teḛ ne takəi’d gə́ njeboo-néje.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pa gə́ ur dɔ paje 7:4

Mbàije joo bɔr D’asəna gə ŋgan da-kalje gə́ joo ləm, D’asəna gə arkasje gə́ to nduŋgaje bèe ləm tɔ.

Jeremi 17:8

Yeḛ to asəna gə kag gə́ mea̰ mbɔr mán’g Gə́ ula ŋgira par gə́ kəm-rəw-mán’g, Yeḛ oo kɔs lə kàr gə́ né el ləm, Kamee kara ndolé el ləm tɔ. Mee ləb gə́ loo tudu keneŋ lé Yeḛ ɓəl el ləm, Yeḛ lal kandə el ləm tɔ.