Njekillamber 2:3 - Maktub gə́ To gə Kəmee

³ Ma m’wɔji məəm’g njaŋg mba kula rɔm mbiriri loo-kido’g ləm, gə dan mbə’g ləm tɔ nɛ gə goo kəmkàree, saar mba gər ne né gə́ maji gə́ dəwje d’askəm ra dɔ naŋg nee mee ndɔje bula gə́ d’isi ne kəmba lé.

Njekillamber 2:3 ပူးပေါင်းရင်းမြစ်များ

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

Maktub gə́ wɔji dɔ Jɔb 14:14

Dəw gə́ wəi lé see a tel si kəmba wa. M’a kunda məəm yel m’ŋgina ne mee ndɔje lai gə́ m’oo ko̰-né keneŋ Saar kar né gə́ wɔji dɔm lé teḛ.

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Njekillamber 1:17

Ma m’wɔji məəm’g njaŋg gə mba gər kəmkàr ləm, gə néra mbə ləma, gə néra dəw gə́ ar dəa tel wagəsa ləm tɔ. Ndá ma m’oo to gə́ yee neelé kara to gə́ ŋgwɔd gə́ kaḭ goo lel’g ba ya tɔɓəi.

Njekillamber 10:19

Dəw lé ra muru-gad gə mba ndam ne ləm, mán-nduú aree al rəa ləma, lar ɓa to nékwa dɔ gɔl néje lai ləm tɔ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Njekillamber 2:24

Né gə́ to maji mbata lə dəw lé to mba karee sɔ né gə ai né ləm, to mba kar mée lelee ne loo si gə rɔlel dɔ kula reaje’g ləm tɔ. Nɛ ma m’oo to gə́ yee neelé kara to né gə́ ḭ meḛ ji Ala’g lé tɔ.

Njekillamber 5:18

Tɔɓəi nana ɓa Ala aree nébaoje Gə némajije ləm, Gə yeḛ gər loo sɔ né ləm, Gər loo-kiŋga-né gə́ wɔji dəa ləma, Al ne rəa dan kula’g ləa ləm tɔ ndá To nénoji gə́ Ala ɓa aree ya.

Njekillamber 6:12

Mbata see na̰ ɓa gər né gə́ maji mbata lə dəw Loo gə́ yeḛ si ne kəmba ləm, Gə mee ndɔje bula gə́ yeḛ si ne kəmba Gə́ dəs to gə́ ndil kag bèe ləm tɔ lé wa. Esé see na̰ ɓa askəm kula dəw Né gə́ a gə ree gée’g dɔ naŋg neelé wa.

Njekillamber 7:18

To maji kar sí waje ta gə́ kára neelé kɔgərɔ Lal kya̰ goo yee gə́ kára neelé yɔgɔ tɔ. Mbata yeḛ gə́ ɓəl Ala ndá A teḛ ta néje’g neelé lai ya.

Njekillamber 7:25

Ma m’wɔji məəm njaŋg gə mba gər ləm, Gə mba kə̰d gelee ləma, gə mba saŋg kəmkàr Gə mba gər gin néje neelé ləm tɔ Tɔɓəi mba gər mbə lə meeyèr ləm, Gə mbə lə dɔ tel wagəsa ləm tɔ.

Njekillamber 8:15

Bèe ɓa ma m’ra ne rɔlel Mbata si maji lə dəw dɔ naŋg nee lé To sɔ né gə kai né gə ra rɔlel ya ba. Yee neelé ɓa gə́ né Gə́ deḛ səa d’a kaw na̰’d loo kula’g ləa Mee ndɔje lai Gə́ Ala aree si ne kəmba dɔ naŋg nee lé.

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

Njéga̰g-Rəwtaje 9:13

Nɛ kag-nduú tel ila dee keneŋ pana: See m’a kuba manm gə́ ar Ala gə dəwje rɔlel lé kya̰ mba kaw kila tar dɔ kagje’g wa.

1 Samel 25:36

Abigayil tel ree rɔ Nabal’g. Nɛ aa oo, yeḛ ra naḭ gə́ boo mee kəi’g ləa asəna gə naḭ gə́ ka̰ mbai bèe. Mee Nabal lelee ləm, kido rəa yaa̰ ləm tɔ. Abigayil ulá ta né gə́ lam əsé gə́ boi kára kara el saar ar loo àr.