Njekillamber 2:22 - Maktub gə́ To gə Kəmee

²² Tɔgərɔ ya, see ɗi ɓa dəw a kiŋga dɔ kula reaje’g lai gə takə̰jije ləa gə́ wa mée yaa̰ aree dao ne dɔ naŋg neelé wa.

Njekillamber 2:22 ပူးပေါင်းရင်းမြစ်များ

Pakɔsje 127:2

Seḭ lé seḭ ḭje tar gə ndɔ rad gə mḭdé ba ya ləm, Seḭ toje naŋg kalaŋ el gə mḭdé ba ləma, Seḭ o̰je muru gə́ wɔji dɔ kula rɔ ndubu lə sí ləm tɔ. Nɛ yeḛ lé ar deḛ gə́ yeḛ unda dee dan kəmee’g né togə́bè Loo gə́ deḛ toɓi lé.

Gosota-Kəmkàrje 16:26

Rəw nésɔ ɓa ɔs dəw aree ra kula Mbata ɓó ɔs gelee keneŋ.

Njekillamber 1:3

See ɗi ɓa dəw a kiŋga loo kula rɔ ndubu’g ləa lai dɔ naŋg neelé wa.

Njekillamber 2:11

Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Njekillamber 3:9

See ɗi ɓa gə́ nédɔji gə́ dəw gə́ ra kula a kiŋga loo kula rɔ ndubu’g ləa lé wa.

Njekillamber 4:6

Kar né rusu jii gə́ kára tub kari si ne lɔm Maji unda kula ro̰dubu loo kula’d Gə́ to kaiŋgwɔd goo lel’g ɓa rusu jii joo bɔr ya.

Njekillamber 4:8

To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Njekillamber 5:17

Aa oo, né gə́ ma m’oo ɓa nee: Né gə́ maji mbata lə dəw lé Karee sɔ gə ai ləm, gə ra rɔlel Dɔ némajije lai gə́ yeḛ iŋga Gə kulaje lai gə́ yeḛ ra dɔ naŋg nee Mee ndɔje bula gə́ Ala aree si ne kəmba lé ləm tɔ lé Yee ɓa gə́ né gə́ maji mbata ləa. Mbata yee nee ɓa gə́ nédɔji ləa.

Njekillamber 8:15

Bèe ɓa ma m’ra ne rɔlel Mbata si maji lə dəw dɔ naŋg nee lé To sɔ né gə kai né gə ra rɔlel ya ba. Yee neelé ɓa gə́ né Gə́ deḛ səa d’a kaw na̰’d loo kula’g ləa Mee ndɔje lai Gə́ Ala aree si ne kəmba dɔ naŋg nee lé.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Matiyo 6:11

Ar síjeḛ muru lə sí gə́ ɓogənè aree as lée béréré ya,

Matiyo 6:25

Bèe ɓa ma m’ula sí, arje meḛ sí pélé wəs-wəs dɔ rɔ sí’g el ləm, gə dɔ nésɔ sí əsé dɔ nékṵ rɔ sí’g el ləm tɔ. See si kəmba lə sí ur dɔ nékusɔ’g el wa. See darɔ sí ur dɔ kubu-kula-rɔ sí’g el wa.

Matiyo 6:34

Arje meḛ sí to kəgəgə dɔ lookàr gə́ bèlè’g el mbata bèlè lé nja ɓa gə́ njegər nérea ya. Maji kar meeko̰ gə́ gə ndɔ-ndɔ lé udu gə́ mee ndəa’g ya bo̰-bo̰.

Lugu 12:22

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

Lugu 12:29

Bèe ndá seḭ lé arje meḛ sí pélé wəs-wəs dɔ rɔ sí’g ar sí pajena: See ɗi ɓa j’a sɔ wa, əsé see ɗi ɓa j’a kai wa lé maji kar sí paje bèe el.

1 Njé gə́ Kɔrḭtə 16:16

Dəwje gə́ ra togə́bè lé maji kila koji dɔ dee’g ləm, gə dɔ deḛ lai gə́ to njéboakulaje lə dee kara ləm tɔ.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.

1 Timote 6:8

Bèe ndá ɓó lé j’isi gə nésɔ gə kubu kula rɔ sí’g ndá meḛ sí a koso ne naŋg po̰ ya.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.