Njekillamber 2:11 - Maktub gə́ To gə Kəmee

¹¹ Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Njekillamber 2:11 ပူးပေါင်းရင်းမြစ်များ

Gḭ-Néje 1:31

Ala oo néje lai gə́ yeḛ ra lé ndá aa ooje, néje neelé to maji dum ya. Togə́bè ɓa loondul to keneŋ ləm, lookàr kara to keneŋ ləm tɔ. Yee ɓa to ndɔ gə́ njekɔm’g misa̰ ya.

Pakɔsje 89:47

Ǝi Njesigənea̰, see ndɔ gə́ ra ɓa i a kunda ŋgaŋ kiya rɔi wa. See ndɔ gə́ ra ɓa oŋg ləi a kəw ko̰ to gə́ pər bèe wa.

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Njekillamber 1:14

Ma m’oo néje lai gə́ ra dee dɔ naŋg neelé ndá aa ooje, to néje gə́ gə mḭdé ba, to ŋgwɔd gə́ kaḭ goo lel’g ba.

Njekillamber 1:17

Ma m’wɔji məəm’g njaŋg gə mba gər kəmkàr ləm, gə néra mbə ləma, gə néra dəw gə́ ar dəa tel wagəsa ləm tɔ. Ndá ma m’oo to gə́ yee neelé kara to gə́ ŋgwɔd gə́ kaḭ goo lel’g ba ya tɔɓəi.

Njekillamber 1:3

See ɗi ɓa dəw a kiŋga loo kula rɔ ndubu’g ləa lai dɔ naŋg neelé wa.

Njekillamber 3:9

See ɗi ɓa gə́ nédɔji gə́ dəw gə́ ra kula a kiŋga loo kula rɔ ndubu’g ləa lé wa.

Njekillamber 5:10

Loo gə́ nésɔ to yaa̰ ndá Njésəaje kara to yaa̰ to See ɗi ɓa njea iŋga keneŋ wa. Kəmee ɓa yeḛ aa ne nébaoje ləa ya.

Njekillamber 5:16

Né gə́ majel gə́ raŋg ya ɓəi, Ndɔje ləa lai gə́ yeḛ si ne kəmba lé Yeḛ a sɔ né dan loondul’g ləm, Némeeko̰je gə némajelje Gə néo̰gje rəa yaa̰ ləm tɔ.

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

1 Timote 6:6

Oiyo, rəwta lə Ala lé loo gə́ mee dəw to lɔm keneŋ ndá to rəw nékiŋga gə́ boo ya.