Njekillamber 2:1 - Maktub gə́ To gə Kəmee

¹ Ma m’ula rɔm m’pana: Maji ya! M’a kaḭ məəi gə rɔlel ndá i a si dan rɔlel’g. Nɛ aa oo, yee gə́ nee kara to né gə́ kari ba ya ɓəi.

Njekillamber 2:1 ပူးပေါင်းရင်းမြစ်များ

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

2 Mbaije 5:5

Yen ŋga mbai gə́ Siri lé pana: Maji. Aw gə rɔi ya Samari ndá ma nja m’a kula gə maktub kar mbai gə́ Israɛl lé. Yeḛ ɔd aw gə larnda as nékwɔji kwɔi-lə-né tɔl-munda (300) ləm, gə larlɔr as nékwɔji kwɔi-lə-né rɔ-misa̰ ləma, gə kubu ra naḭ as gel dɔg ləm tɔ jia’g.

Pakɔsje 10:6

Yeḛ ə̰ji ta mée’g pana: Né a yə ŋgira neḛ el. Loo ɔn dɔ neḛ mbèd ndá Meeko̰ a koso dɔ neḛ’g nda̰ el.

Pakɔsje 14:1

Pa lə Dabid gə́ ar bao-pa mba karee ɔs sə dee lé. Mbə-dəw lé pa mée’g pana: Ala godo ya. Deḛ tel to d’asəna gə né gə́ ndum ləm, Deḛ ra néje gə́ yèr gə́ to kḛji ləm tɔ, Yeḛ gə́ njera maji gə́ kára bèe kara godo.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Gosota-Kəmkàrje 14:13

Lé dəw si kogo ya kara Askəm lɔm dɔ meeko̰ ləa, Nɛ gée gə́ gogo rɔlel neelé Askəm tel to néurti ya.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 2:10

Néje lai gə́ kəm ndigi koo lé ma m’ɔgee dɔ’g el ləm, ma m’ɔg rɔm nérɔlel kára kara el ləm tɔ. Mbata kula ramje lai lé am m’ra ne rɔlel, yee ɓa gə́ né kama gə́ m’iŋga ya.

Njekillamber 2:15

Ma m’pa məəm’g m’pana: Né gə́ m’a gə kiŋga a to asəna kára ba gə ka̰ mbə-dəw tɔ, ŋga see gelee ban ɓa m’iŋga kəmkàr ur dəa’g wa. Ndá ma m’pa məəm’g m’pana: Yee neelé kara to né gə́ kari ba ya ɓəi!

Njekillamber 2:25

Mbata ɓó lé Ala godo ndá see na̰ ɓa askəm sɔ né nee lé kal ne rəa wa.

Njekillamber 7:4

Mee njékəmkàrje lé To gə́ dɔ kəi-kwa-ndòo-yoo’g, Nɛ meḛ mbə-dəwje lé To gə́ dɔ kəi-ra-rɔlel’g ɓa ləm tɔ.

Njekillamber 8:15

Bèe ɓa ma m’ra ne rɔlel Mbata si maji lə dəw dɔ naŋg nee lé To sɔ né gə kai né gə ra rɔlel ya ba. Yee neelé ɓa gə́ né Gə́ deḛ səa d’a kaw na̰’d loo kula’g ləa Mee ndɔje lai Gə́ Ala aree si ne kəmba dɔ naŋg nee lé.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 50:5

Mbaidɔmbaije gə́ Njesigənea̰ ar mbim to tag Ndá ma m’ɔsee rəw el ləm, Ma m’gad kudum gə́ gogo el ləm tɔ.

Lugu 12:19

ndá n’a kula rɔ neḛ pana: Rɔm, nékiŋgai to yaa̰, a ra səi ləb bula yaa̰. Bèe ndá maji kari taa kəmə ɓó gə sɔ gə ai ra ne rɔlel tɔ.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Lugu 16:23

Yeḛ si loo-si njé gə́ d’wəi’g ndá dan néurti gə́ rəa lé yeḛ un kəmee gə́ tar aa ne loo oo Abrakam si ŋgərəŋ ndá yeḛ oo Lajarə si mbɔree’g tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Maktub gə́ Jak ula ne ar ngan-Allaje 4:13

Ɓasinè ooje ta nee: Seḭ gə́ paje pana: Ɓogənè əsé bèlè ɓa, j’a kaw mee ɓee gə́ bèe ləm, j’a si keneŋ ləb sí kára jén ləma, j’a ra né lə sí tel kəmee kiŋga ne lar ɓa ləm tɔ.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.