Njekillamber 11:5 - Maktub gə́ To gə Kəmee

⁵ To gə́ i gər rəw gə́ lel ḭ keneŋ ula el ləm, i gər loo siŋga ŋgon gə́ tɔs ta na̰’d mee dené’d gə́ aw gə kèm lé el ləm tɔ lé, togə́bè ɓa i gər kula gə́ Ala ra dɔ néje’g lai lé el tɔ.

Njekillamber 11:5 ပူးပေါင်းရင်းမြစ်များ

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 38:4

See loo gə́ m’tum gin naŋg lé i si ra wa. Ɓó lé i to gə́ njegosonégər ndá ulam.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Njekillamber 1:13

Gə goo kəmkàr lé ma m’wɔji məəm’g njaŋg m’saŋg ne gin néje lai gə́ ra dɔ naŋg nee lé, yee ɓa gə́ kula gə́ kədərə gə́ Ala ɔm ji dəwje’g ar dee d’ula rɔ dee keneŋ mbiriri dao ne.

Njekillamber 1:6

Lel ula par gə́ dɔkɔl ləm, tel gə́ dɔgel ləm tɔ, yee ula gugu dɔ loo ndá tel ula gə́ kédé-kédé ya ɓəi.

Njekillamber 11:4

Yeḛ gə́ aa lel gə́ kaa lé a dubu né el ləm, yeḛ gə́ aa kil-lə-ndi gə́ kaa kara a kinja dɔ kó el ləm tɔ.

Njekillamber 3:10

Ma m’oo kula gə́ wɔi gə́ Ala unda dɔ dəwje’g ar dee ra lé ya.

Njekillamber 3:11

Yeḛ ra néje lai ar dee maji mee ndɔje’d gə́ wɔji dɔ dee dɔ dee, yeḛ ar takə̰ji si kəmba gə no̰ kara to meḛ dee’g, nɛ lé bèe kara dəw lé askəm gər né gə́ Ala ra kédé gə́ dɔtar saar ndɔ gə́ rudu lé el.

Njekillamber 7:24

Né gə́ nai əw ləm gə gelee uru yaa̰-yaa̰ ləm tɔ lé See na̰ ɓa askəm teḛ keneŋ wa.

Njekillamber 8:17

Ndá ma m’oo kulaje lai gə́ Ala ra ləm, M’oo to gə́ dəw askəm kiŋga néje Gə́ ra dee dɔ naŋg neelé el ləm tɔ. Yeḛ saŋg dao ne yaa̰ ya nɛ yeḛ iŋga el. Ɓó lé njekəmkàr ndigi gər kara yeḛ askəm gər el tɔ.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Tagə́maji gə́ Ja̰ ndang 3:8

Lel ula gə loo-loo to gə́ mée wɔji ndá keaa gə́ ɓar ɓa i oo, nɛ i gər loo kḭyee əsé loo-kabee el. Dəw gə́ ndil ojee lé kara kea̰ to togə́bè tɔ.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.