Njekillamber 1:8 - Maktub gə́ To gə Kəmee

⁸ Néje lai neelé kula ra dee lé loo pea godo. Kəm dəw asee dɔ koo loo’g el ləm, mbi dəw asee dɔ koo tar’g el ləm tɔ.

Njekillamber 1:8 ပူးပေါင်းရင်းမြစ်များ

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Gosota-Kəmkàrje 27:20

Ɓee lə njé gə́ d’wəi ləm gə bwa-wəl gə́ suna godo ləm tɔ lé né as dee nda̰ el, Kəm dəw kara né asee nda̰ el tɔ.

Njekillamber 1:7

Baaje lai d’ula par gə́ dɔ baa-boo’g nɛ rusu koŋgee el, deḛ d’ula par gə́ loo gə́ d’ula gə́ keneŋ kəm dee gə́ kédé-kédé.

Njekillamber 2:11

Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Njekillamber 2:26

Mbata dəw gə́ taa kəmee lé yeḛ aree kəmkàr ləm, gə gər gin-goso ləma, gə rɔlel ləm tɔ. Nɛ njekaiya lé yeḛ ɔm kula dəa’g mba karee inja kandə néje ləm, gə mbo̰ dee dɔ na̰’g ləm tɔ gə mba kar yeḛ gə́ taa kəm Ala. Yee neelé to né gə́ kari ba ya ɓəi ləm, to gə́ kaiŋgwɔd goo lel’g ləm tɔ.

Njekillamber 4:8

To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Njekillamber 6:7

Nékiŋgaje lə dəw lai lé To mbata nésɔ gə́ təa’g ya Nɛ lé bèe kara malee ɔr təa’g el ya saar.

Ajee 1:9

Seḭ undaje meḛ sí yel gə mba kinja kó yaa̰ ya nɛ aa ooje, seḭ injaje lam ba bèe. Seḭ tel reeje ne mee kəije’g lə sí ya nɛ neḛ n’tó lel pu-u dɔ’g n’sané ne. See gelee ban ɓa bèe wa. Njesigənea̰ gə́ njeboo-néje ɓa pa togə́bè pana: Gelee wɔji dɔ kəi lə neḛ gə́ tuji nɛ seḭ lé seḭ ɔsje rɔ sí ɓad arje nana kara ula rəa ndubu mbata kəi ləa-yeḛ ɓa.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Matiyo 5:6

Deḛ gə́ mal ra né gə́ gə dɔ najee ra dee asəna gə kṵdaman gə́ tɔl dee əsé ɓoo gə́ ra dee lé rɔ dee lel dee, Mbata meḛ dee a ndan tub-tub ɓəi.