Njekillamber 1:3 - Maktub gə́ To gə Kəmee

³ See ɗi ɓa dəw a kiŋga loo kula rɔ ndubu’g ləa lai dɔ naŋg neelé wa.

Njekillamber 1:3 ပူးပေါင်းရင်းမြစ်များ

Njekillamber 2:11

Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Njekillamber 2:18

Kulaje lai gə́ m’ra dɔ naŋg neelé lé m’ə̰ji dee bəḭ-bəḭ gə́ kḛji mbata m’a gə kya̰ kar dəw gə́ njetaa torm ɓəi.

Njekillamber 2:19

See na̰ ɓa gər to gə́ debee neelé a to njekəmkàr əsé a to mbə-dəw wa. Nɛ lé bèe kara kulaje lai gə́ m’ra lé yeḛ a to dəw dəa ləm, gə dɔ kandə nékəmkàrje ləm lai gə́ m’ra dee dɔ naŋg neelé ya ləm tɔ. Yee neelé kara to gə́ né gə́ kari ba ya ɓəi.

Njekillamber 2:22

Tɔgərɔ ya, see ɗi ɓa dəw a kiŋga dɔ kula reaje’g lai gə takə̰jije ləa gə́ wa mée yaa̰ aree dao ne dɔ naŋg neelé wa.

Njekillamber 3:9

See ɗi ɓa gə́ nédɔji gə́ dəw gə́ ra kula a kiŋga loo kula rɔ ndubu’g ləa lé wa.

Njekillamber 4:3

Yeḛ gə́ d’ojee el ɓəi gə́ oo némajelje lai Gə́ ra dɔ naŋg nee el ɓəi lé Rea lelee unda dee-deḛ gə́ gel joo neelé tɔ.

Njekillamber 4:7

M’aa loo ndá m’oo néje gə́ gə mḭdé gə́ dɔ naŋg nee ya ɓəi Gə́ to né gə́ kari ba dɔ naŋg neelé ya ɓəi.

Njekillamber 5:16

Né gə́ majel gə́ raŋg ya ɓəi, Ndɔje ləa lai gə́ yeḛ si ne kəmba lé Yeḛ a sɔ né dan loondul’g ləm, Némeeko̰je gə némajelje Gə néo̰gje rəa yaa̰ ləm tɔ.

Njekillamber 5:18

Tɔɓəi nana ɓa Ala aree nébaoje Gə némajije ləm, Gə yeḛ gər loo sɔ né ləm, Gər loo-kiŋga-né gə́ wɔji dəa ləma, Al ne rəa dan kula’g ləa ləm tɔ ndá To nénoji gə́ Ala ɓa aree ya.

Njekillamber 6:12

Mbata see na̰ ɓa gər né gə́ maji mbata lə dəw Loo gə́ yeḛ si ne kəmba ləm, Gə mee ndɔje bula gə́ yeḛ si ne kəmba Gə́ dəs to gə́ ndil kag bèe ləm tɔ lé wa. Esé see na̰ ɓa askəm kula dəw Né gə́ a gə ree gée’g dɔ naŋg neelé wa.

Njekillamber 7:11

Kəmkàr lé maji asəna gə kwa nénduba ləm, Maji mbata lə deḛ gə́ d’isi kəmba ləm tɔ.

Njekillamber 9:13

Ma m’oo nékəmkàr kára Dɔ naŋg neelé gə́ to né gə́ boo ya tɔɓəi.

Njekillamber 9:3

Né kára gə́ majel mbuna néje’g lai Gə́ ra dɔ naŋg neelé ɓa nee: Né gə́ kára ba teḛ dɔ dəwje’g lai ya. Gelee gə́ nee ɓa meḛ ŋgan-dəwje lé Meeyèr gə néra mbə ɓa Taa meḛ dee pəl-pəl loo si kəmba’g lə dee Saar d’aw ne ɓee lə njé gə́ d’wəi’g tɔ.

Njekillamber 9:6

Meenoji gə kḛji bəḭ-bəḭ lə dee ləm, Gə kəmkəḭ lə dee ləm tɔ lé tuji mba̰. D’a kiŋga né gə́ wɔji dɔ dee pai bèe Mbuna néje lai gə́ ra dɔ naŋg neelé el ŋga.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Habakuk 2:18

Néndaji gə́ tɔl lé see majee to ɗi mbata lə njetɔlee wa. Néndaji gə́ léḛ gə́ ndoo ne né gə ŋgɔm Gə mba kar njerea unda tar ɔm mée dɔ’g Loo gə́ yeḛ si ra magəje gə́ ta mundu lé kara see majee to ɗi wa.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

1 Njé gə́ Kɔrḭtə 16:16

Dəwje gə́ ra togə́bè lé maji kila koji dɔ dee’g ləm, gə dɔ deḛ lai gə́ to njéboakulaje lə dee kara ləm tɔ.