Njéga̰g-Rəwtaje 9:7 - Maktub gə́ To gə Kəmee

⁷ D’ula Jotam taree. Bèe ɓa yeḛ aw si dɔ sém mbal gə́ Garijim ndá aa ooje, ta gə́ yeḛ ila boo ndia naŋg wəl ula dee ɓa to nee: Ooje ta ləm, seḭ dəwje gə́ síje Sikem lé tɔɓəi maji kar Ala oo ta lə sí to!

Njéga̰g-Rəwtaje 9:7 ပူးပေါင်းရင်းမြစ်များ

Tel tura Godndu 11:29

Bèe ɓa loo gə́ Ala lə sí gə́ Njesigənea̰ a kar sí a̰dje mee ɓee gə́ seḭ a gə kawje kaw taaje gə́ né ka̰ sí lé ndá seḭ a kya̰je ndutɔr dɔ mbal gə́ Garijim ləm, seḭ a kilaje ndɔl dɔ mbal gə́ Ebal’g ləm tɔ.

Tagə́maji gə́ Ja̰ ndang 4:20

Bɔ síje-je lé d’wa Ala meḛ dee’g dɔ mbal’g neelé nɛ seḭ nja seḭ pajena: Jerusalem ɓa to loo gə́ kəm kwa Ala meḛ sí’g.

Tel tura Godndu 27:12

Loo gə́ seḭ a gaŋgje baa gə́ Jurdɛ̰ mba̰ ndá ginkoji Simeo̰je, gə Ləbije, gə Judaje, gə Isakarje, gə Jisepje, gə Bḛjamije, d’a kaar dɔ mbal’d gə́ Garijim gə mba tɔr ndu dee dɔ koso-dəwje’g,

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Jujé 8:33

Israɛlje lai ləm, gə ŋgatɔgje lə dee ləm, gə njékaa dɔ deeje ləma, gə njégaŋ-rəwtaje lə dee ləm tɔ lé, d’aar tar mbɔr sa̰duk-manrɔ’g no̰ njékinjanéməsje’d gə́ to Ləbije gə́ d’odo sa̰duk-manrɔ lə Njesigənea̰ lé, dəw-dɔ-ɓeeje gə Israɛlje na̰’d d’aar keneŋ, d’ar ges deeje d’aar mbɔr mbal gə́ Garijim ləm, ges deeje gə́ raŋg d’aar mbɔr mbal gə́ Ebal ləm tɔ, gə goo ndukun gə́ Moyis, kura lə Njesigənea̰ un ar dee kédé lé gə mba karee tɔr ndia dɔ koso-dəwje gə́ Israɛl’g.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Tel tura Godndu 11:30

Mbalje neelé see to kel tura-baa gə́ Jurdɛ̰ gə́ nu gir rəw gə́ aw par gə́ dɔ-gó mee ɓee’g lə Kana̰je gə́ d’isi ndag-loo gə́ to wɔji dɔ Gilgal njoroŋ, mbɔr kag-sɛnə gə́ Moré’g lé el wa.

Njéga̰g-Rəwtaje 9:6

Dəwje lai gə́ d’isi Sikem ləm gə njémeekəije lə Milo ləm tɔ lé mbo̰ dɔ na̰, ree d’ɔr Abimelek’g d’undá gə́ mbai mbɔr kag-sɛnə’d gə́ mea̰a mee ɓee gə́ Sikem tɔ.

Njéga̰g-Rəwtaje 9:8

Ndɔ kára bèe, kagje d’aw gə mba kɔr mbai kwa dəa gə ubu kunda ne gə mbai dɔ dee. Deḛ d’ula kag-koiyo pana: Maji kari to gə́ mbai dɔ sí’g.

Gḭ-Néje 37:6

Yeḛ ula dee pana: Ooje ta ni ləm gə́ m’ni lé!