Njéga̰g-Rəwtaje 9:57 - Maktub gə́ To gə Kəmee

⁵⁷ Tɔɓəi Ala ar néra majelje lai gə́ koso-dəwje gə́ Sikem ra lé tel oso dɔ dee’g tɔ. Yee ɓa ta ndɔl gə́ Jotam, ŋgolə Jerubaal ila dɔ dee’g lé aw ne lée’g béréré ya.

Njéga̰g-Rəwtaje 9:57 ပူးပေါင်းရင်းမြစ်များ

2 Samel 3:39

Ma lé d’wa dɔm gə ubu d’undam ne gə́ mbai nɛ siŋgam godo ya ɓəi. Dəwje nee gə́ to ŋgalə Seruja lé siŋga dee ur dɔm’g. Maji kar Njesigənea̰ uga dɔ njemeeyèr gə goo némeeyèr ləa ya.

1 Mbaije 16:34

Mee ndəa’g ləa lé Hiel gə́ to dəw gə́ Betel tel tum gin Jeriko gogo. Ndɔ gə́ yeḛ tum ne ginee lé Abiram gə́ to ŋgondəree lé wəi ləm, ndɔ gə́ tɔl ne kula lé kara ŋgonee gə́ ndɔḭ gə́ ria lə Segub lé wəi ləm tɔ gə goo ta gə́ Njesigənea̰ pa gə rəw gə́ rɔ Juje, ŋgolə Nun’g lé ya.

1 Mbaije 2:32

Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Pakɔsje 94:23

Yeḛ a kar néra dee gə́ yèr lé tel oso dɔ dee’g gogo ya ləm, Yeḛ a kar dee d’udu bo̰ gə goo meeyèr lə dee lé ya ləm tɔ, Ala lə sí gə́ Njesigənea̰ lé a kar dee d’udu bo̰ gə no̰ ya.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Jujé 6:26

Togə́bè ɓa Juje pata gə ndu man pana: Dəw gə́ a kḭ gɔl ɓee-boo gə́ Jeriko neelé gogo ndá, Ndɔl a kwa dəa no̰ Njesigənea̰’g ya! Ndɔ gə́ yeḛ a tel kunda gelee gogo ndá Ŋgondəree a kwəi ləm, Ndɔ gə́ yeḛ a gɔl tarəbeeje kara Ŋgonee gə́ rudu a kwəi ləm tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

Njéga̰g-Rəwtaje 10:1

Goo kwəi’g lə Abimelek lé Tola, ŋgolə Pua, gə́ to ŋgolə Dodo, gə́ to gə́ ginkoji gə́ lə Isakar lé ḭ gə mba taa dɔ Israɛlje, yeḛ si Samir, dɔ mbal’d gə́ Eprayim tɔ.

Njéga̰g-Rəwtaje 9:20

Ɓó lé bèe el ndá maji kar pər ḭ rɔ Abimelek’g roo dəwje gə́ Sikem gə njémeekəije lə Milo ləm, maji kar pər ḭ rɔ dəwje’d gə́ Sikem gə njémeekəije lə Milo gə́ mba roo Abimelek ləm tɔ.

Njéga̰g-Rəwtaje 9:24

gə mba kar bo̰ néra gə́ kərm-kərm gə́ yeḛ ra gə ŋgalə Jerubaal gə́ rɔ-siri lé tel ɔs təa’g ləm, gə mba kar ta məs dee tel oso dɔ Abimelek’d gə́ to ŋgoko̰ dee gə́ tɔl dee lé ləma, gə oso dɔ dəwje’d gə́ Sikem gə́ la səa d’aree tɔl ŋgakea̰je lé ləm tɔ.

Njéga̰g-Rəwtaje 9:45

Abimelek rɔ gə ɓee-boo neelé ndɔ kára doŋgɔ, yeḛ taa ɓee-boo neelé ndá tɔl koso-dəwje gə́ d’isi keneŋ lé. Tɔɓəi yeḛ tuji ɓee-boo neelé aree to nduba piu-piu ɓa tel unda kad keneŋ tɔ.

Njéga̰g-Rəwtaje 9:56

Bèe ɓa Ala ar majel gə́ Abimelek ra gə bɔbeeje loo gə́ yeḛ tɔl ŋgakea̰je gə́ rɔ-siri lé tel oso ne dəa’g.